Maybach услубида яратилган Mercedes GLE тақдим этилди (фото)
Hofele Design ательеси Ultimate HGLE лойиҳасини — Maybach усулида қайта ишланган Mercedes-Benz GLE’ни тақдим этди, деб хабар беради Motor.
Ultimate HGLE кроссовери оддий GLE’дан вертикал тирқишларга эга радиатор панжараси, 23 дюймли ғилдирак дискалари ва массив диффузори билан ажралиб туради. Машинанинг орқа қисмида, олд қанотлари ва панжарасида дизайн-ательенинг логопити пайдо бўлган.
Машина салонига ҳам ўзгартириш киритилган: иккинчи қаторга майда-чуйда нарсаларни сақлашга мўлжалланган кўплаб бўлмачаларга эга алоҳида ўриндиқлар ўрнатилган. Ўриндиқларнинг барчаси Nappa чарми билан қопланган бўлиб, унга оригинал нақшлар туширилган. Пол қисмида қўй жунидан тўқилган гиламчалар тўшалган.
Фото: Hofele-Design
Maybach услубида яратилган GLE’ни 367 от кучи ва 500 Нм айланувчи моментга эга 3,0 литрли «турбоолтилик» ҳаракатга келтиради. Motor тўққиз поғонали автомат узатмалар қутиси ёрдамида бошқарилади.
Фото: Hofele-Design
Фото: Hofele-Design
Манба: Daryo.uz