Хабарларга обуна бўлинг
  • Ваш аккаунт на сайте
    Не запоминать
    [vk][/vk] [odnoklassniki][/odnoklassniki] [facebook][/facebook] [mailru][/mailru] [yandex][/yandex] [google][/google]
  1. Инновацион ахборот портали
  2. Дунё
  3. Дональд Трамп грин карта бўйича янги лойиҳани тақдим этди. Шартлар бутунлай ўзгариши мумкин

Дональд Трамп грин карта бўйича янги лойиҳани тақдим этди. Шартлар бутунлай ўзгариши мумкин

Cана : 17-05-2019   /   Дунё   /   кўрилди: 116

Бугун АҚШ президенти Дональд Трамп грин карта олиш тартибига киритилажак ўзгаришлар лойиҳасини тақдим этди, деб хабар бермоқда телеграмдаги «Замбаракнинг ўқи» канали муаллифи Фарҳод Файзуллаев.

Унга кўра, лотерея тизими бекор қилиниб, ўрнига худди Канададагидек балли тизим жорий этилади. Яъни, АҚШга кўчиб бормоқчи бўлган даъвогар ёши, билим даражаси, инглиз тилини билиши, иш тажрибасига асосан баҳоланади ва белгиланган баллдан юқори тўплаган кишиларга грин карта берилади. Ҳозирги кунда эса грин картани олиш учун инглиз тилини билиш, юқори малакали бўлиш шарт эмас.

Бундан ташқари, бу лойиҳа грин карта эгаларининг ўз оила аъзоларини Америкага чақириш тартибига ҳам ўзгартириш киритади.

Қайтараман — бу ҳали шунчаки лойиҳа. Уни Трампнинг куёви Жаред Кушнер ишлаб чиққан.

Грин карта олиш тартибига ўзгартириш киритиш президент қўлида эмас. Бу лойиҳани АҚШ парламенти қўлласагина у қонунга айланиши мумкин.

Менимча, бу йил кузда ўйналадиган грин картага бу ўзгариш таъсир қилмайди, чунки ҳозир Америка сиёсатида жуда беқарор руҳ ҳукмдор.

Лекин Трампнинг сайловолди ваъдаларининг энг асосийларидан бири иммиграция тизимини ислоҳ қилиш эканини, кейинги йил сайлов йили эканини ҳисобга олсак, Трамп навбатдаги муддатга сайланиши учун ўз ваъдасининг устидан чиқиши эҳтимоли катта.

Қисқаси — грин карта тизими ўзгартирилишига тайёр туринг. Инглиз тилини ўрганишни бошланг! — деб ёзади блогер.

dle 10.2 скачать , Быстрый торрент трекер КиноСвин рунета

Хабар ва янгиликлардаги маълумотлар учун муаллифлар жавобгар. Сайт таҳририят муаллифлигидаги материаллардан бошқа хабарлар учун жавобгарликни зиммасига олмайди!