Хабарларга обуна бўлинг
  • Ваш аккаунт на сайте
    Не запоминать
    [vk][/vk] [odnoklassniki][/odnoklassniki] [facebook][/facebook] [mailru][/mailru] [yandex][/yandex] [google][/google]
  1. Инновацион ахборот портали
  2. Дунё
  3. "Наша Russia" сериалидаги Жамшуд роли ижрочиси уйсиз қолди

"Наша Russia" сериалидаги Жамшуд роли ижрочиси уйсиз қолди

Cана : 18-09-2018   /   Дунё   /   кўрилди: 194

"Наша Russia" шоу-сериалидаги ўртаосиёлик мигрант Жамшуд ролини ижро этган комик актер Валерий Магдьяш уйсиз қолди. У барча пуллари ва турар жойи ҳужжатларини йўқотиб қўйганини айтган. Бу ҳақда Turon 24 сайти ёзмоқда.

 

"Россия-1” телеканалининг "Прямой эфир” кўрсатувида актёр ўзининг нега бундай ҳолатга тушиб қолганини изоҳлади. В.Магдьяшнинг сўзларига кўра, "Наша Russia" юмористик лойиҳаси машҳур бўлиб кетгунига қадар Москвадаги бир хонали уйида яшаган. Кейинчалик актёр фильмда суратга тушган ҳар бир куни учун минг долларга яқин хизмат ҳақи ола бошлаган ва каттароқ уй сотиб оладиган маблағ йиғишга улгурган. Шу мақсадда эски уйини сотган актёр барча пул ва ҳужжатларини олиб, банкка отланганда ўғирлик ҳужуми қурбони бўлган.

Қаттиқ калтакланиш зарбидан соғлиғи ҳам ёмонлашган актёр буткул кўчада қолган. У "Ессентуки" вокзалидан топиб олган бегона одамлар уйида кун кўриб келмоқда. Ҳозирда актёр қандай қилиб Москвага қайтишни билмайди.

"Наша Russia" — юмористик кўрсатуви "Comedy Club Production” маҳсулоти бўлиб, 2006 йилдан 2011 йилгача Россиянинг ТНТ канали орқали намойиш қилиб келинган. Бош ролларни Михаил Галустян ва Валерий Магдьяш ижросидаги мазкур шоу-комедияда улар марказийосиёлик меҳнат муҳожирлари Равшан ва Жамшуд роли билан эсда қолган. Айни вақтга қадар ҳам тожик меҳнат мигрантларига "Равшан” ва "Жамшуд” исми билан мурожаат қилиш одати сақланиб келмоқда. Ўз навбатида Тожикистон Ташқи ишлар вазирлиги бу телешоу бутун бошли халқни дискредитация қилаётганини баён этган эди.

67 ёшли актёр В.Магдьяш ўз ижодий фаолияти давомида 17 та фильмда суратга тушган, аммо кўпроқ "Наша Russia”даги роли орқали танилган.

dle 10.2 скачать , Быстрый торрент трекер КиноСвин рунета

Хабар ва янгиликлардаги маълумотлар учун муаллифлар жавобгар. Сайт таҳририят муаллифлигидаги материаллардан бошқа хабарлар учун жавобгарликни зиммасига олмайди!