» » Самолёт ойнаси ёрилиб, учувчи ундан чиқиб кетди

Самолёт ойнаси ёрилиб, учувчи ундан чиқиб кетди

1990 йилнинг 10 июнида Буюк Британиянинг “British Airlines 5390” рейси Бирмингемдан Испаниянинг Малага шаҳрига жўнади.

Бортда 81 йўловчи ва 6 нафар экипаж аъзози бор эди. Парвоз пайтида учувчилар кабинасининг олд ойнаси ёрилиб, борт капитани Ланкастер учиб чиқиб кетди. Унингоёғи руль ва бошқарув панели орасида илиниб қолиб, ўзи эса орқаси билан самолёт фюзеляжининг ташқари қисмига тақаб қўйилди. Самолёт учувчининг ярим танаси чиқиб турганча шу ҳолда ерга қўнди.

Самолётдан учиб кетмаслиги учун стюарт Найжел Огден қўнишга қадар капитанни оёғини ушлаб туриши керак эди. У тезлик ва босим оғирлиги остида капитаннинг аллақачон ўлганига ишонарди, кучи етмаётганлигини сезган Найжел уни қўйиб юбормади ва бошқа бортпроводникларни ҳам ёрдамга чақирди. Чунки капитан корпус двигателига тушиб, ёниб кетиши эҳтимоли бор эди ва бу лайнернинг хавфсиз қўниш имкониятини камайтирарди.

Иккинчи учувчи Атчисон диспетчер билан алоқа ўрнатишга муваффақ бўлди. Самолёт Саунтгемптон аэропортига юборилди ва муваффақиятли қўндирилди. Ланкастер шифохонага эвакуация қилинди, йўловчиларнинг ҳеч бири жабрланмади.

Самолёт қўнганига кўп вақт ўтмай Ланкастер ҳушига келди. Шифокорлар унинг соғлиғига жиддий хавф йўқлигини билдириб, унга чап қўли бармоғи ва ўнг қўли икки жойидан сингани, совуқ уриши ва шок ҳолати ташхисини қўйишди. Стюарт Найжел Огден эса ҳалокатдан бешикаст, бир-икки жойи кўкариб, майда кесилишлар билан қутулди.

Беш ойдан сўнг Ланкастер яна самолёт штурвалига ўтириб, уни бошқаришни бошлади. У 55 ёшигача British Airways авиакомпаниясининг учувчиси бўлиб хизмат қилди ва шундан кейин нафақага чиқди.

AAIB терговининг якуний ҳисоботи 1992 йилнинг 1 февралида эълон қилинди.

Текширув давомида терговчилар самолёт жўнашидан 27 соат олдин унга янги пешойна ўрнатилганлиги ва ушбу фавқулодда рейс алмашувдан сўнг биринчи бўлганини, ойнани мустаҳкамлаган 90 мурватдан 84 таси керакли диаметрдан кичикроқ бўлганлигини аниқлашди. Парвоз пайтида кабина ва ташқаридаги ҳаво босимидаги тафовут оқибатида олд ойна сиқиб чиқарилган.

Қолган болтларнинг йўғонлиги тўғри диаметрга эга бўлиб, керак бўлганидан 2,5 миллиметр қисқа эди. Бу мурватлар тўрт йил давомида олдинги олд ойна ўрнатилишида ҳам ишлатилганлиги маълум бўлди.

Бундан ташқари, AAIB Бирмингем аэропортидаги British Airways авиакомпаниясининг техник базаси смена бошлиғи томонидан нотўғри ўрнатилгани ҳалокатга сабаб бўлди, деган хулосага келди. У ҳужжатларни текшириш ўрнига, омбордан олган болтлар олдингиси билан бир хил деб ўйлаб, бир ўлчовга хато қилган.

AAIB шунингдек, авиакомпания томонидан яна бир қанча қоидаларнинг бузилиши ва техник ходимлар иши устидан етарли назорат қилинмаслик ҳолатларини қайд этди.

Ушбу ҳалокатдан сўнг British Airways 5390 рақамли рейсдан фойдаланмай қўйди.

Баҳора МУҲАММАДИЕВА таржимаси

скачать dle 12.0
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

СЎНГГИ ЯНГИЛИКЛАР

10:50
Каниза уч маротаба турмушга чиқиб, ажрашганми? (видео)
10:46
Коронавирусга қарши вакцина учун навбатда биринчи бўлиб турган давлатлар маълум қилинди
09:46
«Пирамидаларни ўзга сайёраликлар қурган» – Илон Маскнинг твити муҳокамаларга сабаб бўлди
09:45
Йўлак тўла мурдалар видеоси Ўзбекистонда олингани тасдиқланди. Аммо...
09:44
Кавказликларнинг узоқ умр кўриш сири очилди
13:11
Самолётни тўхтатган ошиқ
12:48
Россиядаги ғаройиб солиқлар ҳақида
12:43
Кўнгиллиларда синалган рус вакцинаси коронавирусга қарши 100% иммунитет шакллантирди - ТАСС
12:40
«Одноклассники»да ўзини аёл сифатида таништирган самарқандлик эркак ушланди
12:38
Қандай ҳолларда ЙПХ ходими ҳайдовчилик гувоҳномасини олиб қўйиши мумкин?
12:35
Вирусдан вафот этган майит нега яқинларига берилмаяпти?​​​​​​​
12:31
Бу сафар Самарқанд вилояти касалланиш бўйича Тошкентни ортда қолдирди
12:29
Жанубий Кореяда минглаб вакилларига коронавирусни юқтирган диний секта етакчиси ҳибсга олинди
12:27
Олимлар банан баргидан автомобиль ишлаб чиқаришни таклиф қилишмоқда
12:50
Моддий ёрдам ололмаган эҳтиёжманд оилалар кимга мурожаат қилиши керак?
12:15
Ўзбекистон фуқароларини хориждан олиб келиш бўйича чартер рейслар рўйхати
БАРЧА ЯНГИЛИКЛАР