» » Жиззах вилояти ҳокимининг янги ўринбосари ҳамда иккита туманига ҳокимлар тайинланди

Жиззах вилояти ҳокимининг янги ўринбосари ҳамда иккита туманига ҳокимлар тайинланди

Бугун Жиззах вилояти ҳокимлигида йиғилиш ўтказилди. Унда ташкилий масала кўриб чиқилди. Бу ҳақда вилоят ҳокимлиги Ахборот хизмати хабар берди.

Йиғилишни Жиззах вилояти ҳокими Эргаш Салиев олиб борди. Унда Ўзбекистон Республикаси Президенти маслаҳатчиси Шерзод Кудбиев иштирок этди.

Йиғилишда шу пайтгача Зарбдор тумани ҳокими бўлган Ашурматов Ойбек Шодмонқулович Жиззах вилояти ҳокимининг қишлоқ ва сув хўжалиги масалалари бўйича ўринбосари этиб тайинланди.

Ашурматов Ойбек Шодмонқулович

Ойбек Ашурматов Зарбдор тумани ҳокими сифатида 2018 йил 13 августдан буён ишлаб келаётган эди.
Шароф Рашидов тумани ҳокими Зоир Мирзаев Қашқадарё вилояти ҳокими вазифасини бажарувчи этиб тайинлангани муносабати билан унинг ўрнини Маҳмуд Холбўтаев эгаллади.

Туман ҳокимлигида ўтказилган навбатдаги сессияда 2018 йилнинг 29 октябрдан буён Жиззах вилояти ҳокимининг қишлоқ ва сув хўжалиги масалалари бўйича ўринбосари бўлиб ишлаб келаётган Холбўтаев Маҳмуд Парсаматович туман ҳокими этиб таништирилди.

Холбўтаев Маҳмуд Парсаматович

Шунингдек, Зарбдор туманида ўтказилган навбатдаги сессияда туман ҳокими этиб 2013 йилдан буён Қашқадарё вилояти ҳокими бўлиб ишлаб келган Рўзиев Зафар Шаропович тайинланди.

Рўзиев Зафар Шаропович

скачать dle 12.0

Хабар ва янгиликлардаги маълумотлар учун муаллифлар жавобгар. Сайт таҳририят муаллифлигидаги материаллардан бошқа хабарлар учун жавобгарликни зиммасига олмайди!

Фикр қолдириш

Кликните на изображение чтобы обновить код, если он неразборчив