НАЭСМИ расмий сайти хакер ҳужумига учради
Бугун Ўзбекистон электрон оммавий ахборот воситалари миллий ассоциацияси расмий сайти naesmi.uz хакерлик ҳужумига учради.
"Сайтни ахборот хавфсизлиги шу соҳа бўйича ишга кира олмаган яхши бир амаки томонидан текширувдан ўтказилди", - дейилади хакер "имзоси"да.
Хакер бу ишини қуйидаги изоҳлаган:
"Assalomu alaykum hammaga, bu loyihani boshlaganimdan maqsad bizdagi axborot tizimlaridagi uchratgan xato - kamchiliklarimni e'lon qilib borish. Balki shunda tizimni yoki saytni axborot xavfsizligiga yaxshiroq e'tibor berib ish qilishar. G'araz niyatda buzib kirishib yomon ma'lumotlar chiqarib yuborishi yoki bor ma'lumotlardan foydalanib ketilgandan ko'ra shunisi yaxshi. Kamchilik topildimi tuzatishi kerak.
Eslatma: Men professional xaker emasman, shunchaki maktabda yaxshi o'qiganman. Kollej va OTM da yaxshi baxolarga o'qigan kursdoshlarim xozir ishxonalarda qog'oz to'ldirib o'tirishibdi. Hammani omadini bersin."
Eslatma: Men professional xaker emasman, shunchaki maktabda yaxshi o'qiganman. Kollej va OTM da yaxshi baxolarga o'qigan kursdoshlarim xozir ishxonalarda qog'oz to'ldirib o'tirishibdi. Hammani omadini bersin."
Эслатиб ўтамиз, ЎзЭОАВМА нодавлат оммавий ахборот воситаларини қўллаб-қувватлаш, уларнинг моддий-техник базаси ва кадрлар салоҳиятини мустаҳкамлаш мақсадида 2003 йилда ташкил этилган бўлиб, бугунги кунда ўз атрофига 100дан ортиқ нодавлат электрон ОАВни бирлаштирган.