Жаҳон чемпионати 2-саралаш босқичи одатдагидан узоқроқ муддат давом этди. Пандемия туфайли кўпроқ вақтимизни олган босқич бугун ўз ниҳоясига етади.

Умумий 8 гуруҳнинг 7 тасида барча ўйинлар ўтказилади. Фақатгина "H" гуруҳида барча беллашувлар бўлиб ўтган. Жанубий Корея ғолиб сифатида кейинги босқичга чиққан бўлса, Ливан энг яхши иккинчи ўрин номини қўлга киритишдан умидвор.

Қолган 14 учрашув эса, 3-босқичга йўл олган барча жамоалар номига ойдинлик киритиб бериши лозим. Ҳозирча, Япония, Жанубий Корея, Австралия ҳамда Сурия терма жамоалари кейинги босқич йўлланмасини қўлга киритиб улгурган.