Хабарларга обуна бўлинг
  • Ваш аккаунт на сайте
    Не запоминать
    [vk][/vk] [odnoklassniki][/odnoklassniki] [facebook][/facebook] [mailru][/mailru] [yandex][/yandex] [google][/google]
  1. Инновацион ахборот портали
  2. Солиқ хабарлари
  3. Шароит ва имтиёз — ёшларга қанот

Шароит ва имтиёз — ёшларга қанот

Cана : 22-09-2018   /   Солиқ хабарлари   /   кўрилди: 84

Мамлакатимизда ёшларнинг бандлигини таъминлаш, уларни тадбиркорлик фаолиятига кенг жалб этиш борасида комплекс чора-тадбирлар изчиллик билан ҳаётга татбиқ этилмоқда.

Бунинг самарасида якка тартибдаги тадбиркорлик фаолияти билан шуғулланишни ўз олдига мақсад қилган ёшлар сафи тобора кенгайиб бормоқда. Албатта, ушбу йўналишдаги ишларнинг самарадорлигини таъминлашда яратилаётган имтиёз ва шароитлар муҳим аҳамият касб этмоқда.

 

Солиқ имтиёзлари якка тартибдаги тадбиркорлик фаолияти билан шуғулланишга мақсад қилган ёшлар учун айни муддаодир. Зеро, имтиёзлар туфайли тежаладиган маблағ фаолиятни ривожлантиришда муҳим ўрин тутади. Ўзбекистон Республикаси Солиқ кодексининг 375-моддасида касб-ҳунар коллежлари битирувчилари коллежни тамомлагандан кейин ўн икки ой ичида якка тартибдаги тадбиркор сифатида давлат рўйхатидан ўтган санадан эътиборан қатъий белгиланган солиқни тўлашдан олти ой муддатга озод этилиши назарда тутилган. Ярим йиллик имтиёз ёш тадбиркорга фаолиятга ҳар томонлама мослашиш, молиявий пойдеворини мустаҳкамлаш имконини бериши билан эътиборга моликдир. Лекин бир тартибни эсдан чиқармаслик лозим: якка тартибдаги тадбиркор сифатида давлат рўйхатидан ўтилган пайтдан бошлаб ўн икки ой ичида фаолият тугатилган ёки фаолият уч ва ундан кўп ойга тўхтатилган тақдирда, қатъий белгиланган солиқ фаолият амалга оширилган бутун давр учун тўланади.

Бундан ташқари, ушбу моддада янги рўйхатдан ўтган якка тартибдаги тадбиркор, жумладан, оилавий тадбиркорлик субъекти қатъий белгиланган солиқни якка тартибдаги тадбиркор сифатида давлат рўйхатидан ўтказилган ойдан кейинги ойдан бошлаб тўлаши белгиланган.

Солиқтўловчининг календарь ойида ишлаган кунлари сонидан қатъи назар, қатъий белгиланган солиқтадбиркорлик фаолиятининг тури ва солиқтўловчининг фаолиятни амалга ошириш жойига қараб белгиланган ставкалар бўйича тўланишини қайд этиш жоиз. Фаолиятнинг бир неча тури билан шуғулланувчи солиқ тўловчилар қатъий белгиланган солиқни фаолиятнинг ҳар бир тури учун мазкур турдаги фаолиятга нисбатан белгиланган ставкалар бўйича алоҳида-алоҳида тўлайди. Бундан ташқари, қатъий белгиланган солиқни ҳисоблаб чиқариш солиқбўйича ҳисобга олиш жойидаги давлат солиқхизмати органлари томонидан амалга оширилади.

Қатъий белгиланган солиқ тадбиркорлик фаолияти амалга оширилган ойнинг 10-кунидан кечиктирмай ҳар ойда, солиқтўловчи давлат рўйхатидан ўтказилган жой учун белгиланган ставкалар бўйича тўланишини белгиланган. Агар фаолият амалга оширилган жой учун қатъий белгиланган солиқ ставкалари давлат рўйхатидан ўтказилган жой учун белгиланган ставкалардан фарқ қилса,қатъий белгиланган солиқ энг юқори ставка бўйича тўланади.

Солиқкодексининг 3741-моддасида якка тартибдаги тадбиркор касб-ҳунар коллежи битирувчиси бўлган ходими учун қатъий белгиланган солиқни тўлашдан озод этилиши тартиби белгиланган. ЯТТ ушбу ходим коллежни тамомлаганидан эътиборан ўн икки ой мобайнида қатъий белгиланган солиқдан озод этилади. Агар якка тартибдаги тадбиркор қатъий белгиланган солиқни тўлашдан қонун ҳужжатларига мувофиқ вақтинча озод этилса, мазкур имтиёз якка тартибдаги тадбиркорнинг ҳар бир ходими учун қатъий белгиланган солиқтўлашга ҳам татбиққилинишини таъкидлаш лозим.

Ҳозирги пайтда туманимизда 298 нафар ёшлар якка тартибдаги тадбиркорлик фаолияти билан шуғулланмоқда. Шундан, 184 нафари чакана савдо, 17 нафари маиший хизматлар кўрсатиш, 6 нафари автомобиль транспортида юк ташиш хизматлари кўрсатиш фаолияти билан шуғулланмоқда.

Жорий йилда 37 нафар касб-ҳунар коллежи битирувчиси якка тартибдаги тадбиркорлик фаолиятини йўлга қўйди. Ёш тадбиркорлар аҳолининг иш билан таъминланишига ҳам ўз ҳиссаларини қўшмоқда. Бугунги кунда 53 нафар киши якка тартибдаги тадбиркорларда ёлланма ходим сифатида иш олиб бормоқда.

Азму шижоатли ёшлар учун яратилаётган мазкур имконият ва шароитлар юртимизда тадбиркор ва ишбилармонлар сафини кенгайтиришда муҳим омил бўлмоқда. Зеро, бугунги саъй-ҳаракат ва чора-тадбирлар эртанги юксак иқтисодий натижалар сари дадил ташланган қадамдир.

Зариф Аминов,

Ургут туман давлат

солиқинспекцияси бошлиғи

dle 10.2 скачать , Быстрый торрент трекер КиноСвин рунета

Хабар ва янгиликлардаги маълумотлар учун муаллифлар жавобгар. Сайт таҳририят муаллифлигидаги материаллардан бошқа хабарлар учун жавобгарликни зиммасига олмайди!