Тошкент дунёнинг энг арзон шаҳарлари учталигига кирди
The economist рейтингига кўра, Тошкент яшаш учун дунёдаги энг арзон шаҳарлар орасида учинчи ўринни эгаллаган.
Тадқиқотда 173 давлат иштирок этган, аналитиклар 50 минг маҳсулот нархлари ҳақидаги маълумотларни ўрганишган.
Рўйхат харажатларнинг 10 асосий тоифаси асосида тузилган: озиқланиш, ўзини-ўзи парвариш қилиш, транспорт, саёҳат ва бошқалар. Яшаш учун Дамаск ва Триполи энг арзон шаҳарлар бўлишган.
Энг қиммат шаҳарлар рейтингида биринчи ўринни Тел-Авив эгаллаган. Кейин эса Париж, Сингапур, Сюрих ва Гонконг.