Хабарларга обуна бўлинг
  • Ваш аккаунт на сайте
    Не запоминать
    [vk][/vk] [odnoklassniki][/odnoklassniki] [facebook][/facebook] [mailru][/mailru] [yandex][/yandex] [google][/google]
  1. Инновацион ахборот портали
  2. Жиззах янгиликлари
  3. Жиззахда Зулфия таваллудига атаб байрам тадбири ўтказилди

Жиззахда Зулфия таваллудига атаб байрам тадбири ўтказилди

сана : 01-03-2018   /   Жиззах янгиликлари, Миллий тикланиш ДП   /   кўрилди: 174

Жиззах вилояти тарихи ва маданияти давлат музейида ЎзМТДП вилоят Кенгаши, Ш.Рашидов номидаги вилоят ахборот кутубхона маркази, Ўзбекистон Республикаси Ички ишлар вазирлиги Жиззах академик лицейи ҳамкорлигида Зулфияхоним таваллудининг 103 йиллиги муносабати билан "Бахтим шул – ўзбекнинг Зулфиясиман” мавзусида адабий-бадиий кеча ташкил этилди.

Қайд этилганидек, Зулфия номи, Зулфия ижоди истиқлол йилларида чинакам қадр топди, эъзозланди. Зулфияхоним ўз латиф ижоди билан миллионлаб кишиларга эзгулик, муҳаббат ва садоқатдан сабоқ берди. Ҳаёт уни ҳар доим ҳам аягани йўқ.

Зулфияхоним ўзбек адабиётида ўз ўрнига эга бўлган, ижод услуби ва овози билан эл кўнглидан муносиб ўрин олган ижодкордир. Шоира ўзининг бетакрор истеъдоди, Ватанга муҳаббат, вафо ва садоқат туйғусини, олижаноб, инсоний фазилатларни юксак пардаларда тараннум этган етук бадиий асарлари, жўшқин ижтимоий фаолияти билан миллий адабиётимиз ва маданиятимиз ривожига, халқимиз маънавиятини юксалтиришга улкан ҳисса қўшган.

Шоира ижодининг салмоқли қисмини хотин-қизларга бағишланган, уларни ижтимоий фаолликка чорловчи шеърлар ташкил этади. Ҳақиқий бахтга фақат меҳнат билан эришиш мумкинлиги ҳақидаги ғоя шоира шеърларининг асосини ташкил этади. Зулфияхонимнинг лирик қаҳрамонлари характерида меҳнатга онгли муносабат шаклланиб бориб, фақат яшаш манбаигина эмас, балки ҳаёт маъноси сифатида намоён бўлади.

Тадбир доирасида Зулфияхонимнинг муносиб издошлари бўлган ижодкор ёшлар томонидан шоира қаламига мансуб шеърлардан намуналар келтирилди. Шунингдек, Ўзбекистон Республикаси Ички ишлар вазирлиги Жиззах академик лицейи ўқувчилари томонидан тайёрланган композицион чиқишлар ва саҳна кўринишлари намойиш этилди.

Улуғбек Мустафаев,

ЎзМТДП вилоят

Кенгаши Матбуот котиби

dle 10.2 скачать , Быстрый торрент трекер КиноСвин рунета