Хабарларга обуна бўлинг
  • Ваш аккаунт на сайте
    Не запоминать
    [vk][/vk] [odnoklassniki][/odnoklassniki] [facebook][/facebook] [mailru][/mailru] [yandex][/yandex] [google][/google]
  1. Инновацион ахборот портали
  2. Жиззах янгиликлари
  3. Аграр соҳада хўжасизликка барҳам берилди

Аграр соҳада хўжасизликка барҳам берилди

Cана : 11-08-2018   /   Жиззах янгиликлари, ОАВ, Жиззах овози   /   кўрилди: 151

Юртбошимизнинг 2018 йил 7 майдаги қарори билан Бош прокуратура ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси фаолиятини ташкил этиш билан боғлиқмасалаларга ойдинлик киритилди.

Хўш, мазкур инспекцияни ташкил этиш учун қандай зарурият бор эди? Маълумки, мамлакатимиз иқтисодиётининг асосий қисмини аграр соҳа эгаллайди. Шундай бўлишига қарамасдан ушбу соҳага бўлган эътибор мавсумлардан иборат бўлиб қолган эди. Энг ёмон томони, аграр маданият деярли ривожланишдан тўхтаб қолганди. Кўпроқ ҳосил олишни ўйлардигу, аммо ҳосилдорликни оширишнинг илғор услубларини қўлламасдик. Шу тариқа соҳага бир томонлама ёндашув авж олиб кетди. Хўжасизлик, ерларнинг унумсиз ҳолга келиб қолиши ва соҳада коррупциянинг пайдо бўлиши гўё шундай бўлиши керакдай қабул қилинарди. Аграр соҳага бундай муносабатда бўлиш оқибатда иқтисодий тангликни келтириб чиқаришини кўпчилик яхши билади. Дунё ҳамжамияти озиқ-овқат хавфсизлиги ҳақида бонг ураётган бир пайтда бундай ўзибўларчилик кайфиятида яшаш айнан ўзбекхалқига ярашмайди.

Аниқ ҳисоб-китобларга асосланган ҳолда келажакни яққол кўролган Президентимиз ўз вақтида меъёрий ҳужжатларга имзо қўйди ва қуйидагиларни янги ташкил этилган Инспек-циянинг асосий вазифалари этиб белгилаб берди:

-қишлоқ ва сув хўжалиги, шунингдек, озиқ-овқат хавфсизлиги соҳасидаги қонун ҳужжатлари ва норматив ҳужжатлар талабларига риоя этилиши ҳолати;

пахта ва дон экинларининг уруғларини давлат томонидан буюртма қилиш, тайёрлаш, алоҳида қайта ишлаш ҳамда сақлаш бўйича талабларга риоя қилиниши;

-қишлоқ хўжалиги ва озиқ-овқат маҳсулотлари захираларини давлат буюртмасининг режали амалга оширилишига мувофиқ ҳажмларда шакллантириш бўйича талаблар бажарилиши;

-дон экинлари, пахта ва бош-қа қишлоқ хўжалиги экинлари уруғлари, шунингдек, улардан қайта ишланган маҳсулотлар давлат ресурсларининг сифати, улардан оқилона ҳамда мақсадли фойдаланилиши, уларнинг сифатли сақланиши ҳамда нобудгарчилиги камайтирилишини таъминланиши;

-қишлоқ хўжалиги экинлари навларининг генетик софлиги ва уруҚлари сифати соҳасидаги давлат сиёсатининг ижро қилиниши, аккредитация соҳасига мувофиқ уруғларни сертификатлаш, уруғҳамда кўчат материалларининг сифатини аниқлаш ва назорат қилиш бўйича ишларнинг амалга оширилиши;

-қишлоқ хўжалиги ерларидан оқилона фойдаланиш ва уларни муҳофаза қилиш, Инспекция зиммасига юклатилган вазифалар доирасида айбдор шахсларни қонун ҳужжатларида белгиланган жавобгарликка тортиш орқали қонунчилик талабларига сўзсиз риоя этилиши;

-сунъий сув объектларида сувдан оқилона ва самарали фойдаланилиши ҳамда сувдан фойдаланиш қоидаларига риоя этилиши;

-идоравий бўйсунувидан ва мулкчилик шаклидан қатъи назар барча корхоналар, муассасалар ҳамда ташкилотларда чорвачиликда наслчилик ишлари тўғрисидаги қонун ҳужжатларига ва бошқа норматив ҳужжатларга риоя этилиши;

-қишлоқ хўжалиги, мелиорация ва йўл-қурилиш техникаларининг, уларнинг эксплуатация қилиниши, сифати самарадорлигининг, сервис ва таъмирлаш хизматларининг техник ҳолати устидан назоратни амалга ошириш;

-экспорт-импорт ва республика ичидаги ташишларда дон экинлари, пахта хом ашёси, қишлоқ хўжалиги экинлари уруғлари ва улардан қайта ишланган маҳсулотлар сифатини мажбурий давлат текширувидан ўтказиш;

-ҳуқуқбузарликларни аниқлаш, уларнинг келиб чиқиш сабаблари ва шарт-шароитларини бартараф этиш чораларини кўриш борасида комплекс чора-тадбирларни амалга ошириш;

-қонун ҳужжатларида белгиланган тартибда маъмурий ҳуқуқбузарликлар тўғрисидаги ишларни юритиш.

Инспекцияҳузурида "Агросаноат мажмуида хизмат кўрсатиш маркази" давлат унитар корхонаси ташкил этилди. Ушбу марказ намуналар танлаб олиш ва маҳсулотни идентификациялаш, пахта толаси, пахта момиғи, пахта ва қишлоқ хўжалиги экинлари уруғлари, шунингдек, дон ва улардан қайта ишланган маҳсулотлар синовларини ташкил этиш ҳамда ўтказиш, мувофиқлик сертификати бериш, пахта толаси ширадорлигини аниқлаш, пахта толаси ва момиғи тойлари массаси назоратини амалга оширади.Қолаверса, пахта тозалаш ва ёғ-мой саноати корхоналари, пахта маҳсулотларининг харидорлари ҳамда бошқа ташкилотлар учун сертификатланадиган пахта маҳсулотлари ташқи кўринишининг стандарт намуналарини тайёрлаш, реставрация қилиш ва улар билан таъминлаш, районлаштирилган ва истиқболли қишлоқ хўжалиги экинлари навларининг нав софлигини тупроқдаги таҳлил орқали текшириш ҳамда натижаларини манфаатдор ташкилотларга юбориш ишлари билан шуғулланади.

Инспекция ходимлари лавозимларига олий ёки ўрта махсус маълумотга эга бўлган шахс-лар (ҳуқуқшунослар, агрономлар, иқтисодчилар, молиячилар, муҳандислар ва бошқалар) тайинланиши мумкин. Даражали унвонларга эга бўлган Инспекция ходимлари прокуратура органлари ходимлари ҳисобланади ҳамда уларга прокуратура органлари ходимлари учун белгиланган имтиёзлар, моддий ва ижтимоий ҳимоя чоралари татбиқ этилади. Инспекция органлари зиммасига юклатилган вазифаларни бажариш учун зарур бўлган ахборот, ҳужжатлар ва бошқа материаллар уларнинг қонуний талабига кўра бепул тақдим этилиши давлатимиз раҳбарининг қарорида белгилаб берилган.

Шунингдек, давлат органлари, шу жумладан, ҳуқуқни муҳофаза қилувчи ва назорат қи-лувчи тузилмалар мазкур қарорга мувофиқ Инспекцияга унинг зиммасига юклатилган вазифа ва функцияларни бажаришда ҳар томонлама кўмаклашиши шарт.

Асилбек АШУРОВ,

Ўзбекистон Республикаси Бош прокуратураси

ҳузуридаги Агросаноат мажмуи ва озиқ-овқат

хавфсизлиги таъминланиши устидан назорат

қилиш инспекцияси вилоят бошқармасининг

бошлиғи, биринчидаражали юрис

"Жиззах овози”газетаси

Ушбу хабар Ўзбекистон Республикаси Олий Мажлиси ҳузуридаги нодавлат нотижорат ташкилотлари ва фуқаролик жамиятинингбошқа институтларини қўллаб-қувватлаш жамоат фонди томонидан қўллаб-қувватланаётган "Sangzor.uz веб сайти базасида мамлакатимиздаги ислоҳотларнинг аҳамиятини кенг жамоатчиликка етказувчи инновацион портал яратиш” лойиҳаси доирасида тайёрланди.

dle 10.2 скачать , Быстрый торрент трекер КиноСвин рунета

Хабар ва янгиликлардаги маълумотлар учун муаллифлар жавобгар. Сайт таҳририят муаллифлигидаги материаллардан бошқа хабарлар учун жавобгарликни зиммасига олмайди!