Хабарларга обуна бўлинг
  • Ваш аккаунт на сайте
    Не запоминать
    [vk][/vk] [odnoklassniki][/odnoklassniki] [facebook][/facebook] [mailru][/mailru] [yandex][/yandex] [google][/google]
  1. Инновацион ахборот портали
  2. Жиззах янгиликлари
  3. ЁНҒИН ХАВФСИЗЛИГИ - ДОЛЗАРБ МАСАЛА

ЁНҒИН ХАВФСИЗЛИГИ - ДОЛЗАРБ МАСАЛА

Cана : 19-11-2018   /   Жиззах янгиликлари, ОАВ, Жиззах ҳақиқати   /   кўрилди: 91

Вилоят ҳокимлигида бўлиб ўтган йиғилишда Ўзбекистон Республикаси Вазирлар Маҳкамасининг 2018 йил 1 ноябрдаги "Аҳоли хонадонларида иситиш тизими ва ёқилғи маҳсулотларидан фойдаланишда хавфсизлик талабларига риоя этилишини таъминлаш чора-тадбирлари тўғрисида”ги Қарори ижроси, вилоят, шаҳар ва туман ҳокимликлари ҳузуридаги Ёнғин хавфсизлиги бўйича комиссиялар фаолияти ҳамда қиш мавсумига тайёргарлик масалалари кўриб чиқилди.

Мажлисни вилоят ҳокимлиги ҳуқуқни муҳофаза қилиш органлари, ҳарбий сафарбарлик ва фавқулодда масалалар гуруҳи раҳбари Ботир Сулаймонов бошқариб борди.

Йиғилишда вилоят ИИБ Ёнғин хавфсизлиги бошқармаси бошлиғининг ўринбосари, подполковник Адҳам Тангриев сўзга чиқиб, жорий йилда вилоятимизда ёнғин хавфсизлигини таъминлаш бўйича амалга оширилган ишлар тўғрисида маъруза қилди. Нотиқ ўз сўзида шаҳар ва туман ҳокимликлари ҳузуридаги Ёнғин хавфсизлиги бўйича комиссиялар томонидан ёнғин хавфсизлигини таъминлаш борасида узоқ вақтдан буён ўз ечимини топмаётган камчиликлар ва муаммолар борасида сўзлади.

Жорий йилнинг 10 ойи мобайнида ёнғин хавфсизлиги ходимлари томонидан халқ таълими, мактабгача таълим, олий таълим ҳамда соғлиқни сақлаш тизими тасарруфидаги кўплаб объектларда ёнғин хавфсизлиги қоидаларига риоя қилинмаётганлиги аниқланган.

Текширувлар пайтида халқ таълимига қарашли 538 та муассасанинг 277 тасида ёнғиндан хабарлаш сигнализациялар ўрнатилмаган, 116 тасида носоз ҳолатда, 248 таси бирламчи ёнғин ўчириш воситалари билан таъминланмаган. Мактабгача таълим бошқармасига тегишли 169 та муассасанинг 95 тасида сигнализация йўқ. 81 та иншоот бирламчи ўт ўчириш жиҳозлари билан таъминланмаган. Шунингдек, 2 та олий ўқув юрти ва ўрта махсус таълим бошқармасига қарашли 80 та объектнинг 21 тасида сигнализация йўқ бўлса, 22 тасида носоз ҳолатда.

Хонадонларда ёнғин хавфсизлигига риоя қилмаслик оқибатида 7 та ёнғин содир бўлгани, 5 ҳолатда ис газидан заҳарланиш юз бергани таъкидланди. Вилоят фавқулодда вазиятлар бошқармаси бошлиғининг ўринбосари, подполковник Ғайрат Расулов ўз чиқишида хонадонларда газ ускуналари ва иситиш печларининг созлигини назорат қилиш, табиий газдан фойдаланишда хавфсизлик қоидаларига риоя қилиш борасида тушунчалар берди.

Қишки мавсумга тайёргарлик ишлари суст бораётган Фориш, Мирзачўл, Дўстлик, Арнасой, Зафаробод ва Шароф Рашидов туманлари соҳа фаолияти танқид қилиниб, камчиликларни тугатиш бўйича тавсиялар берилди.

Холниса РАҲМОНҚУЛОВА.

"Жиззах ҳақиқати”газетаси

Ушбу хабар Ўзбекистон Республикаси Олий Мажлиси ҳузуридаги нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди томонидан қўллаб-қувватланаётган "Sangzor.uz веб сайти базасида мамлакатимиздаги ислоҳотларнинг аҳамиятини кенг жамоатчиликка етказувчи инновацион портал яратиш” лойиҳаси доирасида тайёрланди.

dle 10.2 скачать , Быстрый торрент трекер КиноСвин рунета

Хабар ва янгиликлардаги маълумотлар учун муаллифлар жавобгар. Сайт таҳририят муаллифлигидаги материаллардан бошқа хабарлар учун жавобгарликни зиммасига олмайди!