Ўзбекистонда AQLVOY болалар таълим-кўнгилочар телеканали "ФутболТВ" ўрнида иш бошлади

Ўзбекистонда AQLVOY болалар таълим-кўнгилочар телеканали "ФутболТВ" ўрнида иш бошлади

Янги телеканал бугун  2021 йилнинг 22 мартдан бошлаб эфирга чиқишни бошлади.

Ўзбекистонда янги AQLVOY болалар таълим-кўнгилочар телеканали “2020-2021 йилларда Ўзбекистоннинг медиа бозори, тенденциялари ва истиқболлари” мавзусидаги IMS Media Day 2020 конференциясида айтиб ўтилган эди.  

Янги болалар телеканали Мактабгача таълим вазирлиги ташаббуси бўлиб, у конференция доирасида тақдимот ҳам қилинганди.

Қайд этилишича, россиялик, жанубий кореялик ва aмерикалик ишлаб чиқарувчилар (шу жумладан SONY, DISNEY, UNIVERSAL) муаллифлигидаги юқори сифатли маҳсулотлари AQLVOY болалар канали учун мослаштирилади ва ўзбек тилига таржима қилинади. 

Телеканал болаларнинг дунёқарашини шакллантиришга, билимини оширишга хизмат қилувчи, мантиқий, математик ва тил қобилиятларини ривожлантиришга қаратилган мултфильм ва дастурларга эътибор қаратади.

 Айни пайтда республиканинг барча ҳудудларида етказиладиган умумфойдаланишдаги ижтимоий рақамли телеэшиттиришлар пакети таркибига киритилган янги телеканал "ФутболТВ" канали ўрнида эфирга узатилмоқда.  Футбол мухлислари эса айни пайтда "ФутболТВ" канали қайта намойишда чиқиш-чиқмаслиги тўғрисида ҳеч қандай маълумотга эга эмаслар.

ЎзРепорт канали бунга изоҳ беради деган умиддамиз.