ИИВ ЙҲХБ жарима маълумотлар базаси киберҳужумга учрагани айтилган аудиоёзувга муносабат билдирди
ИИВ ЙҲХББ ижтимоий тармоқларда тарқалган ЙҲХБ жарима маълумотлар базаси киберҳужумга учрагани айтилган аудиоёзувга муносабат билдирди.
Аудиоёзувда ҳайдовчиларга нисбатан йўл ҳаракати қоидаларининг бузилиши оқибатида солинган жарималар маълумотлар базасига уюштирилган ҳужум оқибатида ўчириб юборилгани таъкидлаган.
ИИВ ЙҲХББнинг маълум қилишича, маълумотлар базасига ҳеч қандай ҳужум бўлмаган ва барча маълумотлар мавжуд.
Идора айрим норасмий саҳифа эгаларидан шу каби ҳолатларга ойдинлик киритмасдан, ўз саҳифаларида асоссиз изоҳламасликларини сўраган.
ИИВ матбуот котиби Шоҳрух Ғиёсов ҳам ўзининг ижтимоий тармоқлардаги саҳифаси орқали ушбу аудиоёзувга муносабат билдириб, блогерлар ва ижтимоий тармоқларнинг фаоллари маълумотни чиқаришдан олдин текширишга чақирган.