» » Президент истеъфога чиқди

Президент истеъфога чиқди

Арманистон президенти Армен Саркисян истеъфога чиқди.

«Мен узоқ ўйладим ва тўрт йиллик фаол меҳнатдан сўнг Арманистон президенти лавозимидан истеъфога чиқиш қарорига келдим. Бу ҳеч қандай ҳиссиётлар таъсиридаги эмас, балки мантиққа асосланган қарор», — дейилади президент сайтида жойланган мурожаатда.

Саркисяннинг айтишича, президент «мамлакат ва миллат учун ҳозирги мураккаб даврда ички ва ташқи сиёсатдаги туб жараёнларга таъсир ўтказа оладиган зарур дастакларга эга эмас».

«Давлатимиз учун миллий бирдамлик зарур бўлган бундай оғир даврда президент институти ғийбат ва фитна назариясига айланмаслиги керак. Акс ҳолда биз — бутун дунё арманлари ўз мақсадимизга эриша олмаймиз, ўзимизнинг хатолар туфайли тарих чеккасида қолиб кетамиз», — деди у.

Арманистон президенти ўз баёнотида жиддий геосиёсий ўзгаришлар рўй берган ўтган асрнинг 90-йиллари бошида арман халқи ўз мустақил давлатини яратиш учун энг кенг имкониятларга эга бўлганини таъкидлади.

«Тарихий имкониятдан илҳомланиб, мен ҳам кўплаб ватандошларим каби ўзимни ушбу миссияга бағишладим. Баъзи сабабларга кўра, турли босқичлардаги иштироким ўзгарди, лекин мен миллий муваффақиятимизга ишонишдан тўхтамадим», — қўшимча қилди Саркисян.

Армен Саркисян 2018 йил 9 апрелидан буён Арманистон президенти лавозимида фаолият юритиб келаётганди.

Маълумот учун: Арманистонда президент — номинал давлат раҳбари ҳисобланади ва парламент томонидан 7 йил муддатга сайланади. Бир шахс бир муддатдан зиёд бу лавозимда фаолият олиб бориши мумкин эмас.

Бироқ Арманистонда ҳукумат дастаги (ижроия ҳокимият) барча парламент республикаларида бўлгани каби бош вазир қўлида. Ички ва ташқи сиёсатда бош вазир (Арманистонда — Никол Пашинян)нинг ваколатлари бошқа давлатларнинг президентлариникидан деярли тафовут қилмайди.

Арманистон конституциясига кўра, навбатдан ташқари президентлик сайлови 2022 йил февраль ойининг ўрталарида ўтказилиши мумкин.

скачать dle 12.0

СЎНГГИ ЯНГИЛИКЛАР

20:02
Алиментдан қочиш - фарзандлар ризқини қийиш эмасми?
19:57
Молия бошқармасидан етказилган маънавий зарар ундириб берилди
19:51
Алимент тўловларини ундириш чоралари кўрилмоқда
09:22
МИБ қарздорнинг мулкига банд солиб қарзни ундирди
09:18
МИБ қарздорликни тўлиқ ундирди
16:27
Жиззахда 4-сектор томонидан Андижон тажрибаси асосида узум етиштирилмоқда
14:42
Бахмалда 5 кун ичида кетма-кет содир этилган иккита қотиллик жинояти жамоатчилик иштирокида муҳокама қилинди
12:14
Тошкентда синтетик наркотикларни тарқатиш учун яширин жойларнинг йирик тармоғини яратган ёш қиз ушланган
08:46
Авария ишораси қандай ҳолатларда ёқилади?
08:26
Кимнинг маоши кўпроқ?
08:24
Бразилияга қиш бир ой эрта келди
08:23
Агуэро реинкарнацияси: «Сити» ва «Ливерпул» ўртасидаги бир йиллик кураш тугади
08:21
Маймун чечагига чалинганлар карантинга олинади — Бельгия
08:19
Starlink тезлик бобида симли интернетдан ўзиб кетди
08:18
Билл Гейтснинг севимли смартфони
11:31
ОТМларга қабул квоталари лойиҳаси эълон қилинди
БАРЧА ЯНГИЛИКЛАР