Сегодня:
Жиззах C
Breaking news
Бугун Жиззах вилояти Маҳалла ва оилани қўллаб-қувватлаш бошқармаси томонидан...
«Валютани тартибга солиш тўғрисида»ги Қонунга киритилган қўшимчаларга кўра,...
Томир тортиши бирор касалликдан дарак берадими? Бу ҳолатнинг келиб чиқиш сабаби...
Урганч туманидаги Бекобод қишлоғида яшовчи П.К. никоҳсиз яшаётган турмуш ўртоғи...
Қиш мавсумида музли йўлларда машина бошқариш жуда мушкул. Россияда тасвирга...
Ёш йигитларнинг мушаклари етилган эркаклар мушагидан фарқ қилади.  ...
Тошкент вилояти Зангиота туманидаги 16-сонли мактабгача таълим ташкилотида...
Бош прокуратура ва Ички ишлар вазирлигининг “Ижро ҳужжатлари талабларини...
Одамлар прокурорларга ёруғ юз билан қараши керак, деди президент Шавкат...
Ўзбекистон Республикаси Вазирлар Маҳкамасининг “Судялар ва уларнинг оила...
Қайси уяли алоқа компанияси мижозисиз? Агар улар бир нечта бўлса, асосийси қайси?
» » АҚШ жосуслик хизмати раҳбарлигига Ўзбекистонга бир неча бор ташриф буюрган дипломат номзоди илгари сурилди

АҚШ жосуслик хизмати раҳбарлигига Ўзбекистонга бир неча бор ташриф буюрган дипломат номзоди илгари сурилди

12 янв 2021, 09:01, Admin
0 комментариев    285 Кўрилган

АҚШ Давлат департаменти тизимида 33 йил давомида фаолият юритган профессионал дипломат Уильям Бёрнс Марказий разведка бошқармаси (МРБ) раҳбарлигига номзод этиб кўрсатилди. Бу ҳақда АҚШнинг сайланган президенти Жо Байден жамоаси маълум қилди.

«Элчи У.Бёрнс инқирозлар даврида синовдан ўтган давлат хизматчиси, у ўз ҳаётини америкаликлар хавфсизлиги ва фаровонлигига бағишлаган», — дейилади Байден жамоаси тарқатган баёнотда.

Қонунчилик идораси У.Бёрнс номзодини маъқуллагудек бўлса, у жосуслик хизматига раҳбар этиб тайинланган илк профессионал дипломат сифатида тарихга киради.

64 ёшли дипломат АҚШнинг Россия ҳамда Иорданиядаги элчиси бўлиб ишлаган. Бир неча йил давомида Давлат котибининг ўринбосари лавозимида фаолият юритган. У ҳам демократ, ҳам республикачи президентлар даврида юқори рутбада фаолият юритган саноқли дипломатлар сирасига киради. 2014 йилда 33 йиллик дипломатлик карьерасини якунлаб, Давлат департаменти тизимини тарк этган. Ҳозирга қадар Карнеги жамғармаси президенти сифатида ишлаб келаётган эди.

2013 йилда «Atlantic» журнали У.Бёрнснинг мамлакат ташқи сиёсатининг энг муҳим ва мураккаб масалаларини ҳал этишдаги хизматларини алоҳида эътироф этиб, «АҚШ дипломатиясининг махфий қуроли» деб атаган. У, масалан, бундан бир неча йил аввал Эрон билан ядро дастури бўйича муҳим битим имзоланишида воситачи ролини бажарган.

«The Washington Post» газетаси шарҳловчиси Дэвид Игнатус У.Бёрнсни ташқи сиёсат бўйича ўзи мансуб авлоднинг энг пешқадам вакили деб таърифлаган. Ҳамкасблари унинг вазминлиги ва мушоҳадакорлигини алоҳида эътироф этади.

Қайд этиш жоизки, кўпчилик МРБ раҳбарлигига махсус хизмат тизимида узоқ йиллардан бери фаолият юритиб келаётган Майкл Морелл тайинланишини кутаётган эди. Бу жиҳатдан, У.Бёрнс номзоди кўпчилик учун кутилмаган бўлди.

Таҳлилчиларга кўра, Ж.Байден томонидан МРБ тизимига бегона бўлган шахснинг раҳбар этиб тайинлаши холислик ва мустақил ёндашувни таъминлайди. Қолаверса, У.Бёрнс бирор бир партияга мансуб бўлмаган дипломат сифатида ҳозирги сиёсий тафриқа даврида МРБда жипсликни тиклаши ҳам кутилмоқда.

Эслатиб ўтамиз, У.Бёрнс АҚШ Давлат департаментининг юқори рутбадаги мулозими сифатида 2009, 2012 ва 2014 йилларда Ўзбекистонга ташриф буюрган ва президент Ислом Каримов билан музокаралар ўтказган.

скачать dle 12.0
Фикрлар
Кликните на изображение чтобы обновить код, если он неразборчив