> Breaking news / Жамият > Халқаро Шодиев фонди ва Адлия вазирлиги эҳтиёжманд оилалар учун озиқ-овқат маҳсулотлари юборди

Халқаро Шодиев фонди ва Адлия вазирлиги эҳтиёжманд оилалар учун озиқ-овқат маҳсулотлари юборди


8-04-2020, 22:04. : Admin

 Бугун Халқаро Шодиев фонди ҳамда Адлия вазирлиги томонидан 1500 та озиқ-овқат тўплами, 3 тонна пиёз, 15 000 дона тухум маҳсулотлари Ягона мувофиқлаштириш марказига юборилди. Бу ҳақда Тошкент шаҳар ҳокимлигининг ахборот хизмати хабар берди.

Аввалроқ ICF — Халқаро Шодиев фонди Ўзбекистон Республикаси Адлия вазирлиги билан ҳамкорликда мамлакат бўйлаб барча кекса ёшдагилар ва кам таъминланган оилаларни озиқ-овқат маҳсулотлари ва дезинфекция воситалари билан таъминлашни ўз ичига оладиган кенг кўламли хайрия дастурини амалга ошириши ҳақида хабар қилинганди. 

Пойтахт ҳокимлиги маълум қилишича, 8 апрель куни Ягона мувофиқлаштириш марказига, шунингдек, "JIMBAHAY" корхонаси томонидан 20 қутида печенье, "UNITREDKO"  корхонаси томонидан 1 тонна шакар, "Cibus Natural" ташкилоти томонидан 480 дона мураббо, "Concrete Carpet" ташкилоти томонидан 105 литр ёғ, 100 кг гуруч, 100 кг макарон, 100 кг шакар, 100 пачка чой, "Toshkent Baraka Service" ташкилоти томонидан 1725 литр ёғ, "Tash Builder" ташкилоти томонидан 3 тоннадан ортиқ гуруч, "Angren Shakari" корхонаси томонидан 2 тонна шакар, “KOC construction” ташкилоти Ягона мувофиқлаштириш марказига 1 минг литр ёғ, 1 тонна шакар, 1 тоннадан гуруч ва макарон, «Олий неъмат» корхонаси томонидан ярим тоннадан ортиқ ун, "CALIK ENERJI SANAYI VE TICARET A.S." ташкилоти томонидан 1000 қадоқда макарон, "Otash Qassob" корхонаси томонидан 50 та тўплам озиқ-овқат маҳсулотлари ҳам етказилган.  

Эслатиб ўтамиз, ушбу Марказ кексалар ва кам таъминланган оилаларни давлат томонидан озиқ-овқат маҳсулотлари ва дори-дармонлар билан таъминлаш мақсадида ташкил этилган. 

Марказга 1197 қисқа рақами орқали мурожаат қилиш мумкин. Манзил: "Ўзэкспомарказ"

скачать dle 12.0