Ер остида ҳордиқ: Францияда немис бункери меҳмонхонага айлантирилди
Уруш давридан қолган немис бункерида тунаб қолиш: Франция шимолига саёҳат қилувчилар ана шундай имкониятга эга бўлишди, дея хабар бермоқда «МИР 24».
Маҳаллий киши ушбу ер ости иншоотини тубдан ўзгартириб юборди. У мазкур ер майдонини сотиб олиб, бир ярим йил давомида 400 метрли бункерни тупроқ ва ахлатдан тозалади. Қачонлардир бу ерда ҳаво ҳужумидан мудофаа пункти жойлашган: вермахтнинг 30 нафар аскари иттифоқчи самолётлардан ҳимоя қилишган. Ушбу ғайриоддий меҳмонхонадаги битта жой бир кеча учун 375 долларга баҳоланмоқда.
Норвегиядан Испания чегарасигача бўлган Aтлантика қирғоғи бўйлаб барпо этилган мустаҳкам қалъалар тизими «Aтлантика девори» деб номланган. Немислар Иттифоқчиларнинг қитъага бостириб киришининг олдини олиш учун узунлиги 5000 км.дан зиёд мудофаа комплексини қуришган.