NASA агентлиги Ойга миссия (Artemis 1) доирасидаги Space Launch System (SLS) ракетасининг парвози бекор қилинганини маълум қилди. Техник муаммолар сабабли ракета учирилмади, бу ҳақда Twitter орқали хабар берилди.

«Artemis 1 парвози бугундан қолдирилди, жамоа двигателдаги муаммолар билан шуғулланмоқда. Кейинги уринишлар ҳақида сизларни хабардор этамиз», — дейилади хабарда.

10 йил тайёргарликдан сўнг NASA тарихидаги энг кучли — 98 метрли Space Launch System ракетаси бугун, 29 август куни маҳаллий вақт билан соат 8:30 да (Тошкент вақти билан соат 17:30 да) парвоз қилиши ва Ой орбитасига учта манекен жойланган «Орион» капсуласини етказиши лозим эди.

Инсониятнинг Ойга биринчи ва сўнгги парвози 50 йил аввал «Аполлон» миссияси доирасида амалга оширилган.