Франциянинг Le Figaro газетаси ўқувчилари президент Эммануэл Макроннинг украиналик ҳамкасби Владимир Зеленскийни рус қўшинлари Херсондан олиб чиқиб кетилгани билан табриклаган баёнотини қоралашди. Бу ҳақида РИА Новости хабар берди.

"Франция президенти Украинада Россияга қарши уруш олиб бораётган АҚШга бўйсунишини инглиз тилида очиқчасига изҳор қилмоқда. Мен довдираб қолдим", деб ёзган фойдаланувчилардан бири.

"У аллақачон АҚШ ва НАТОдаги хўжайинларига хуш ёқиш учун, инглиз тилида табрикламоқда! Макрон ва Зеленскийга берадиган ягона маслаҳатим - бу Россияни ғазаблантирмаслик", - дея қўшимча қилди яна бири.
“Қизиқ, Макрон ўзининг Россияга қарши сиёсати билан французларни совуқ ва очликдан ўлимга маҳкум этаётганини тушунадими?” деб сўради бошқа ўқувчи.
"Музокаралар ҳақида ҳеч қандай гап йўқ. Урушга яна бир ўт қўйувчи", деди тўртинчи фойдаланувчи.
"Макрон Зеленскийни уйдирма ғалаба билан табриклагандан кўра, тинчлик музокаралари учун замин яратгани маъқулроқ бўларди. Бизга бошқа жаҳон уруши керак эмас! Европадаги кескинликни пасайтириш жуда муҳим", дея таъкидлади бешинчи шарҳловчи.