«Sangzor.uz» - Жиззах, Ўзбекистон ва дунё мамлакатлари ҳақида » Дунё » Хитой Россияга ҳарбий ёрдам кўрсатдими?

Хитой Россияга ҳарбий ёрдам кўрсатдими?

  • 1 107
  • 0
Хитой Россияга ҳарбий ёрдам кўрсатдими? Дунё
Ёқди 0 Ёқмади 0 Чоп этиш

АҚШ миллий разведка раҳбари Эврил Хейнс Хитой Россияга қурол сотгани ёки етказиб бергани ҳақида маълумот аниқланмаганини айтди. У Калифорниядаги миллий мудофаа форумида бу ҳақда маълумот берди.
Разведка раҳбарига кўра, Пекин Москва билан қўшма лойиҳаларни давом эттирмоқда ва уни қўллаб-қувватламоқда.

«Хитой ҳар икки томон билан ўйнашда давом этмоқда. Пекин Россия билан бир қатор масалалар бўйича ишлаб, алоқаларни давом эттирмоқда. Россияни халқаро платформалар ва бошқа вазиятларда қўллаб-қувватлаш, ёрдам бериш имкониятини топмоқда. Қуроллар етказиб беришга келсак, биз ҳеч қандай ҳарбий ёрдам кўрмадик. Аммо бунга алоқадор баъзи нарсалар бизни чалкаштирмоқда, уларни кузатишда давом этамиз», — деди Хейнс.

Расмий равишда Хитой мутлақ бетарафликка амал қилади ва Россия ёки Украинага қурол етказиб бермайди. Пекиннинг таъкидлашича, айнан мана шу бетарафлик мамлакат миллий манфаатларига мос келади.
Аввалроқ АҚШ Мудофаа вазирлиги Хитойнинг ядро арсенали кенгайиб бораётгани ҳақида огоҳлантирганди. Жумладан, бугунги кунда Пекиннинг арсеналида 400 дан зиёд жанговар каллаклар мавжуд бўлиб, ядро арсеналининг кенгайиш суръатлари шунга олиб келиши мумкинки, 2035 йилгача Хитой қўл остида тахминан 1500 та жанговар каллак бўлади.


Ўхшаш янгиликлар

Коммент қолдириш:


Кликните на изображение чтобы обновить код, если он неразборчив