» » Британия қироллик оиласининг «қора кунлари» яқинлашмоқдами?

Британия қироллик оиласининг «қора кунлари» яқинлашмоқдами?

Ўзбекистон бўйлаб янгиликлар:  Telegram-каналга уланинг

Буюк Британия қироллик оиласининг даромади коронавирус пандемияси сабаб шиддат билан камайиб бормоқда. Хўш, энди қиролича Елизавета II камтарроқ ҳаёт кечиришга мажбур бўладими?

Буюк Британия ва Шимолий Ирландия бирлашган қироллиги қироличаси Елизавета II давлат бюджетидан ажратиладиган грант ҳисобига яшайди. Ўтган йили зоти олияларининг бадастир ҳаёт кечириши учун ғазнадан 80 миллион фунт ажратилган. Айни чоқда, қиролича оиласи тасарруфида ҳам йирик мулк ва ерлар борки, улар ҳар йили ўртача 330 миллион фунт даромад келтиради.

Crown Estate (Қироллик мулклари) тасарруфидаги улкан ер ва мол-мулкнинг умумий қиймати 13 миллиард фунтни ташкил этади. Лондон марказидаги ўнлаб иморатлар, савдо марказлари, дўконлар, офислар, ер майдонлари ижарасидан монарх оиласи жарақ-жарақ фойда кўриб келган. Аммо пандемия сабаб жорий этилган карантин чекловлари  даврида қирол оиласи тасарруфидаги бино ва иншоотлар ижарасидан келадиган маблағ кескин қисқариб кетди.  Crown Estate бошқарувчиси Дан Лэббадга кўра, жорий йил март ойидан июнь ойига қадар белгиланган ижара пулининг учдан икки қисми йиғилган, холос. Лондон марказидаги дўконлар ижара пулининг эса атиги ярми олинган. Келгуси уч ой давомида ҳам аҳвол шу тахлит давом этади деб ҳисоблайди мутахассислар. Дан Лэббаднинг қайд этишича, даромад камайиши баробарида мулклар қиймати ҳам пасайиши кутилмоқда.

Молиявий қийинчиликларга дучор бўлган Crown Estate топган даромадини давлат ғазнасига ўтказишга шошилмаяпти. Ўтган йилги 345 млн фунт даромаддан 87 миллиони ўтказилган, холос.

Таҳлилчиларга кўра, молиявий вазият мураккаблашган тақдирда ҳам қиролича Елизавета II га ажратилган грант миқдори камайтирилмайди. Биринчидан, қиролича дунё бўйлаб инглиз давлатчилиги рамзи сифатида улкан эътибор қозонган. Иккинчидан, қироличанинг шон-шуҳрати қиролликка яхшигина фойда келтиради. Brand Finance консалтинг ширкати ҳисоб-китобига кўра, дунё бўйича сайёҳларнинг қироличага ҳурмат-эҳтироми сабаб ҳар йили 1,5 миллиард фунтлик миллий маҳсулотлар сотилади. 

Агар мамлакат бошига қора кунлар келган тақдирда ҳам қиролича таъминотсиз қолмаса керак. Гап шундаки, шахсан Елизавета II га тегишли бир неча қаср мавжуд. Шотландия ва Англиядаги қасрлардан қиролича йилига 20 млн фунт даромад олади.

94 ёшли Елизавета II расман Буюк Британия ҳамда 15 та мустақил давлат қироличаси саналади. 1953 йилнинг 2 июнида тахтга ўтирган қиролича 67 йил давомида 15 нафар бош вазирга ишонч билдирган.

скачать dle 12.0
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.
Исмингиз: *
Е-mail: *
Код: Кликните на изображение чтобы обновить код, если он неразборчив
Кодни киритинг:

СЎНГГИ ЯНГИЛИКЛАР

18:29
4-сектор раҳбари Зоминда ёшлар билан учрашди, унда ўн нафарга яқин ёшлар иш билан таъминланди
15:05
Одил Aҳмедов фаолиятини Суперлигада давом эттирадиган бўлди
10:13
Жиззахда адлия тизимида ишловчи 9 нафар ходим интизомий жавобгарликка тортилди
08:34
Суперлига. 6-тур баҳслари бошланиш вақтлари маълум бўлди
08:33
Осиё чемпионлар лигасида гуруҳдан нечта жамоа чиқади?
08:32
Тожикистонда аёл милициячилар учун адрас ва атласдан тикилган форма тақдим этилди
08:31
iPhone эгаларига Meizu 18 моделини бепул синаб кўриш тавсия этилмоқда
08:30
Федерация суриштирув ўтказди: Бозорларда ўсимлик ёғи нархи қанча?
08:28
Рекламалар ортидаги қаллобликлар
08:27
Европада йўқолиб кетиш хавфи остида бўлган еттита жой
08:26
Рўза — қоринни оч қолдириб, қалбни тўйдиришдир
08:25
Дафн этилган эркакни бир кундан кейин қариндошлари тирик ҳолда топишди
17:53
Жиззахда омадли чек соҳиблари яна биттага кўпайди
17:48
Январь-март ойларида Жиззахда қанча чақалоқ дунёга келди?
11:04
Бугун Жаҳон авиацияси ва косманавтикаси куни! Бу сананинг Жиззахга қандай алоқадорлиги бор?
08:56
Японияда депутатлар ҳомиладор аёллар аҳволини тушуниш учун икки кун давомида сунъий қорин кийиб юрди (видео)
БАРЧА ЯНГИЛИКЛАР