Расман! Эрон ШҲТга доимий аъзо мамлакатлар қаторига қўшилди

Расман! Эрон ШҲТга доимий аъзо мамлакатлар қаторига қўшилди

Шанҳай ҳамкорлик ташкилотига аъзо мамлакатлар Эроннинг ташкилотга доимий аъзо сифатида қабул қилиниши тўғрисидаги ҳужжатни маъқуллади. Бу ҳақда Эрон ташқи ишлар вазири Амир Абдуллахиён маълум қилди, деб хабар берди РИА Новости.

Жума куни ШҲТнинг Душанбедаги саммитида Эронни ташкилотга қабул қилиш жараёни бошланди. Россия президенти Владимир Путин Эроннинг ШҲТга қабул қилинишини қўллаб-қувватлади.

Бунгача Эрон ШҲТда кузатувчи давлат мақомида эди.

ШҲТга 2001 йилда Хитой, Россия, Ўзбекистон, Қозоғистон, Қирғизистон ва Тожикистон раҳбарлари томонидан асос солинган. Афғонистон, Беларусь ва Монголия ШҲТда кузатувчи, Озарбойжон, Арманистон, Камбожа, Непал, Туркия ва Шри-Ланка ҳамкор давлат мақомига эга.