ИИББ маълумотлари асосида мухбиримиз берган хабарга кўра, уч нафар эркак Тошкентда машинада сайр қилиш учун такси ҳайдовчисига ҳужум уюштиришган.

Ҳуқуқни муҳофаза қилиш идорасида тошкентлик эркак   мурожаат қилиб, “Ҳасанбой”дан ўтаётганида   машина сақламоқчи бўлган кишини кўриб қолганини, тўхтатганидан сўнг автомобилига уч киши минганини билдирган. 

“800 метр ҳайдаганимдан сўнг мендан тўхтатишни сўрашди. Орқада ўтирган эркак бўғзимга пичоқ тиради. Мен авария чироқларини ёқиб, оёғимни деразадан чиқариб, эътиборни қаратиш учун   силтай бошладим. Улар қўл-оёқларимни боғлаб қўйиб, шаҳар бўйлаб сайр қилишни бошлашди”, - деди жабрланган фуқаро.

Унинг кўрсатмалари асосида жиноятчиларни қидириш бошланган, тергов ва тезкор гуруҳ тузилган. Жабрланувчининг машинасини текширгандан ва бармоқ изларини олгандан сўнг, ҳуқуқ-тартибот идоралари ходимлари қароқчилар изига тушишган. Кўп ўтмай, уларнинг барчаси ҳибсга олинган ва гувоҳлик беришни бошлашган.

“Дўстим арқон, қўлқоп ва пичоқни олдиндан тайёрлади. У бир иш борлигини айтди. Мен унга ёрдам беришга рози бўлдим. У бизга фақат машина кераклигини ва ҳайдовчини қўйиб юборишимизни қўшимча қилди. Биз машинага ўтирганимизда, ҳайдовчига фақат унинг машинаси кераклигини айтдик. Биз унинг қўлларини, оёқларини боғлаб, орқа ўриндиққа ўтқаздик”- деди тажовузкорлардан бири.

Жиноятчилар машинадан иситгич ва мобил телефонни ҳам ўғирлашган.

“Биз биргаликда шаҳарда сайр қилдик. Соат 10га яқин ҳайдовчи ва унинг машинасини Янгиҳаёт туманидаги кўприк ёнида қолдирдик”, - деди ушланганларнинг иккинчиси.

Ушбу ҳолат бўйича Жиноят Кодексининг 164 моддаси бўйича жиноий иш қўзғатилган. Қароқчилар 20 йилгача озодликдан маҳрум этилиши мумкин.