» » Алишер Усмоновга алоқадор бўлган компания «Оҳангаронцемент»ни сотиб олди

Алишер Усмоновга алоқадор бўлган компания «Оҳангаронцемент»ни сотиб олди

USM Group таркибига кирувчи Akkerman Cement CA компанияси «Оҳангаронцемент» заводининг 98,6 фоиз акцияларини сотиб олди. Бу ҳақида «Дарё»га Akkermann Cement матбуот хизмати хабар берди.

«Оҳангаронцемент»га киритилаётган сармоя биринчи навбатда USM’нинг асосий акциядори Алишер Усмоновнинг ватани бўлган Ўзбекистонни ривожлантиришга қаратилган. Бу ердан олинадиган барча фойда Ўзбекистонда қолади ва республикани ижтимоий-иқтисодий ривожлантиришга қаратилади» — дейди Akkermann Cement компанияси директорлар кенгаши раиси Антон Селявко.

Akkermann Cement бренди остида бирлашган компаниялар Россиянинг USM холдинги таркибига киради. Бу холдингни асосчиси ва асосий акциядори Алишер Усмонов ҳисобланади.

2021 йилда Akkermann Cement CА 4 миллион тоннага яқин цемент ишлаб чиқарди. Компаниянинг асосий активлари қаторига «Оҳангаронцемент» ҳам қўшилди.

2021 йил охирида «Оҳангаронцемент» йилига 2,5 миллион тонна цемент ишлаб чиқариш қувватига эга янги линиясини ишга туширди. Akkermann Cement CА ушбу замонавий линияларни самарали бошқариш бўйича тажрибага эга.

«Оҳангаронцемент» ҳақида

«Оҳангаронцемент»га ХХ асрнинг ўрталарида асос солинган. 1970 йилларда комбинатга, 1980 йилларда эса ишлаб чиқариш бирлашмасига айланган. 1994 йилда завод хусусийлаштирилган ва акциядорлик жамиятига айлантирилган.

Корхонага узоқ вақт давомида Zeromax эгалик қилган ва Россиянинг «Евроцемент»и 2006 йилда 75,5 фоиз акциясини сотиб олган. Кейинчалик ушбу улуш 83,9 фоизга қадар оширилган.

2014 йилда корхона муаммоларга дуч келган — ҳозирда фаолияти тугатилган Давлат рақобат қўмитаси 1994 йилдаги хусусийлаштиришни ноқонуний деб топишни талаб қилган, Тошкент вилояти иқтисодий суди заводнинг мулки ва банк ҳисобрақамларига тақиқ қўйган.

Бундан ташқари, корхонадан солиқларни тўлаш талаб этилган. Бир нечта суд эшитувлари ва апелляциялардан сўнг томонлар масалани келишиб олишга муваффақ бўлган.

«Оҳангаронцемент» мамлакатдаги энг йирик солиқ тўловчилар қаторига киради, шунингдек, бозордаги етакчи компаниялардан бири ҳисобланади.

2019 йил якунларига кўра, заводнинг соф фойдаси 179,8 миллиард сўмни ташкил этган, 2020 йилнинг 9 ойида эса 187,1 миллиард сўм, 2021 йилнинг биринчи чораги якунлари бўйича — 24,8 миллиард сўм.

скачать dle 12.0

СЎНГГИ ЯНГИЛИКЛАР

20:02
Алиментдан қочиш - фарзандлар ризқини қийиш эмасми?
19:57
Молия бошқармасидан етказилган маънавий зарар ундириб берилди
19:51
Алимент тўловларини ундириш чоралари кўрилмоқда
09:22
МИБ қарздорнинг мулкига банд солиб қарзни ундирди
09:18
МИБ қарздорликни тўлиқ ундирди
16:27
Жиззахда 4-сектор томонидан Андижон тажрибаси асосида узум етиштирилмоқда
14:42
Бахмалда 5 кун ичида кетма-кет содир этилган иккита қотиллик жинояти жамоатчилик иштирокида муҳокама қилинди
12:14
Тошкентда синтетик наркотикларни тарқатиш учун яширин жойларнинг йирик тармоғини яратган ёш қиз ушланган
08:46
Авария ишораси қандай ҳолатларда ёқилади?
08:26
Кимнинг маоши кўпроқ?
08:24
Бразилияга қиш бир ой эрта келди
08:23
Агуэро реинкарнацияси: «Сити» ва «Ливерпул» ўртасидаги бир йиллик кураш тугади
08:21
Маймун чечагига чалинганлар карантинга олинади — Бельгия
08:19
Starlink тезлик бобида симли интернетдан ўзиб кетди
08:18
Билл Гейтснинг севимли смартфони
11:31
ОТМларга қабул квоталари лойиҳаси эълон қилинди
БАРЧА ЯНГИЛИКЛАР