Олтин ёмби ва тангаларни хорижга олиб чиқишга рухсат берилди

Олтин ёмби ва тангаларни хорижга олиб чиқишга рухсат берилди

Жисмоний шахслар тегишли сертификатлар мавжуд бўлганда, қимматбаҳо металлардан тайёрланган ўлчовли ёмбилар ва Марказий банкнинг қимматбаҳо металлардан тайёрланган тангаларини хорижга божхона декларациясини тўлдирган ҳолда чекловларсиз олиб чиқиши мумкин.

Янги қабул қилинган фармонга кўра, Марказий банк ҳузуридаги Қимматбаҳо металлар агентлиги тугатилиб, Марказий банкда Қимматбаҳо металларни сақлаш ва улар билан ишлаш хизмати ташкил этилди.

Шунингдек, биржа савдоларида сотиладиган қимматбаҳо металларни республика ҳудудларига етказиб бериш механизми жорий этилади.