» » Кириш имтиҳонлари тестлари қай даражада соддалаштирилади? – ДТМ изоҳ берди

Кириш имтиҳонлари тестлари қай даражада соддалаштирилади? – ДТМ изоҳ берди

Эпидемиологик вазият туфайли бу йил ОТМларга кириш имтиҳонларидаги фанлар қисқартирилади. Бундан ташқари, тест топшириқлари соддалаштирилиб, тестларга қатор янгиликлар киритилмоқда.

Фото: Kun.uz

Kun.uz турли фанлар доирасида тест топшириқлари билан боғлиқ янгиликлар ҳақида маълумот олиш учун Давлат тест маркази матбуот хизмати раҳбари Орзиқул Бобоев билан боғланди.

Тест даражалари ҳақида

– Тест топшириқларини соддалаштириш деганда бакалавриат қабул имтиҳонларида фақат содда тестлардан фойдаланилади, деб тушунмаслик керак.

Тест топшириқлари 3та қийинлик даражасида шакллантирилади. Биринчи қийинлик даражасидаги тест топшириқлар ишланиши, бажарилиши осон бўлган тест топшириқлари ҳисобланади.

Аввалги йилларда ўтказилган тест синовларида ҳар бир фандан 6тагача биринчи қийинлик даражасидаги тест топшириқлари берилар эди. Бу йилдан бошлаб эса ҳар бир вариантда қўлланиладиган биринчи қийинлик даражасидаги тест топшириқлари сони ўртача 10тагача етказилмоқда.

Жадвал, расмли кўринишдаги саволлар сақланиб қолади

– 2019 йили қабул тест синовларида ёзувсиз харита, жадвал, расмли кўринишидаги янги тест топшириқлари қўлланилган эди. Шундай саволлардан бу йилги имтиҳонларда ҳам фойдаланилади.

Абитуриентлар тест топшириқларини мантиқий фикрлаб тезда тушунишлари учун жорий йилда ҳам тарих, география ва чет тили (инглиз, немис, француз)фанларидан расмли тест топшириқлари шакллантирилмоқда.

Бундан ташқари, биология ва кимё фанларидан расмли тест топшириқлари сони кўпайтирилмоқда.

Тилларга оид саволларда янгиликлар бор

 Она тили ва адабиёт фанидан (ўзбек, рус, қорақалпоқ) мустақил ўқиш учун тавсия қилинган бадиий асарлардан тест топшириқлари сони кўпайтирилади.

Шунингдек, мантиқий фикрлашни ривожлантириш мақсадида матнли тестлар, яъни матн устида ишлаш билан боғлиқ тест топшириқлари тузилмоқда.

Матнли тест топшириқларида матн таркибидаги сўзларнинг тўғри қўллангани ва гапларнинг тўғри шакллантирилганини аниқлаш, матндаги сўзларнинг маъноларини топиш ва матннинг асосий мазмунини тушуниш талаб этилади.

Назарий саволлар кўпайтирилмоқда

Тест топшириқлари таркибида назарий тест топшириқлари сони оширилмоқда.

Жумладан, кимё фанидан назарий тест топшириқлар сони оширилади ва лаборатория ишларига оид тест топшириқлари яратилмоқда.

Физика фанидан ҳам фанидан назарий тест топшириқлар сони оширилган ҳолда биринчи қийинлик даражасидаги тест топшириқлари сони 6тадан 10тагача кўпайтирилмоқда.

Шунингдек, абитуриентларга қулайлик яратиш учун доимий физик катталиклар жадвали ишлаб чиқилди ва у тест синови топшириш жараёнида тақдим этилади.

Эслатиб ўтамиз, 2020-2021 ўқув йили учун қабул тест синовлари истисно тариқасида мажбурий фанларсиз, 2та мутахассислик фанларидан ўтказилиши режалаштирилмоқда.

Бу истисно фақат 2020-2021 ўқув йили учун тегишли. Кейинги йиллар учун 5та фандан имтиҳон олиш тартибида ўзгаришлар бўлмайди.

2та мутахассислик фанлари 2019 йил декабрь ойида тасдиқланган эди.

Бу йил тест синовлари ўтказиладиган биноларда кўпи билан 700тагача ўрин тайёрланади. Ҳар бир абитуриент учун камида 3 квадрат метрдан жой ажратилади, улар имтиҳонда ниқоб ва қўлқоп таққан ҳолда иштирок этади.

Бинога киришдан олдин абитуриентларнинг тана ҳарорати ўлчанади. Бинолар камида 4 марта дезинфекция қилинади.

скачать dle 12.0
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

СЎНГГИ ЯНГИЛИКЛАР

15:52
Халқаро пресс-клубнинг навбатдаги манзили меҳрибонлик уйи, IT Park филиали ва балиқ етиштиришда Жиззах тажрибаси қандайлигига қаратилди
12:51
Aндижонда ўқувчиларни қалин кийимларсиз совуққа олиб чиққан раҳбарлар ишдан олинди
10:11
Самарқандда савдо марказида хотини ва унинг жазманини пичоқлаган эркакка жиноят иши қўзғатилди
09:11
Етти кишининг азасига сабаб бўлган тўй
09:10
Дунёдаги энг ишончли автомобиллар аниқланди: Осиё етакчи
09:09
Кун сурати: Яккабоғда электр йўқлигидан минглаб товуқлар нобуд бўлди
09:06
Бола қулоқсиз бўлса, нима қилиш керак?
09:05
Халқаро ташкилот COVID-19нинг учинчи тўлқинидан огоҳлантирмоқда
09:04
Андижонда мактаб ўқувчилари устки кийимсиз совуққа олиб чиқилди
09:03
Трампнинг мағлубиятини башорат қилган экстрасенс COVIDнинг қачон тугашини маълум қилди
09:02
«International Job Organization» ХБА раҳбари устидан суд бошланди. Жабрланувчилар 2600дан ортиқ
12:42
2021 йил 1 апрелдан қандай имтиёзлар бекор қилинади?
12:40
Хитой эмасми? COVID-19 пайдо бўлган жой баҳс келтириб чиқармоқда
12:38
Ўзбекистоннинг чет элга автомобил экспорти ошди
12:34
Электр энергияси ва газ ўчганда кимга мурожаат қилиш керак?
12:30
Светлана Ортиқова сенаторга эътироз билдирди: прокурорлар «лайлак ҳайдаб» юргани йўқ...
БАРЧА ЯНГИЛИКЛАР