» » Жиззахда “Call-center” Халқ банкининг «ташриф қоғози»га айланади

Жиззахда “Call-center” Халқ банкининг «ташриф қоғози»га айланади

Илғор тажриба нима учун муҳим? Албатта, юқори натижа учун! Банк тизимида ҳам худди шундай: дунё тажрибаси ва халқаро амалиётни ўрганиб иш тутган молия муассасаси ютқизмайди, аксинча муваффақиятга эришади.

Қаранг, ривожланган мамлакатларда банк хизматлари ва маҳсулотларининг 50 фоизигача бўлган қисми айнан “Call-center”лар орқали сотилар экан. Демак, бу механизмни амалиётга татбиқ этиш орқали банклар ўз даромадини яна тенг ярмигача оширса бўлади. Ҳаммаси ҳаракат ва изланишга боғлиқ.

Халқ банки яқин истиқболда ана шундай ютуққа эришиши мумкин. Чунки энди унинг ўз замонавий “Call-center”и бор!

Бу янги лойиҳа рўёбига Президентимизнинг 2018 йил 23 мартдаги “Банк хизматлари оммабоплигини ошириш бўйича қўшимча чора-тадбирлар тўғрисида”ги Қарори асос бўлди. Шу тариқа жорий йилнинг 1 май куни Жиззах вилояти марказида бутунлай янги форматдаги “Call-center” тест режимида ишга туширилди. 

Хўш, натижа қандай бўлди? Тажриба ўзини оқладими?

Албатта, синовлар кутилган самарани берди. Бу ерда қисқа муддатда 53 минг 215 та мурожаат қабул қилинди...

Бугун ана шу марказ тантанали равишда фойдаланишга топширилди. Маросимда Халқ банки Бошқаруви ва Жиззах вилоятидаги филлиаллар мутасаддилари, тадбиркорлар ҳамда журналистлар иштирок этди.

Бу лойиҳани “хўжакўрсин”га амалга оширганимиз йўқ, — деди тадбирда сўзга чиққан Халқ банки Бошқаруви Раиси Фарҳод Саламов. — Ҳаммаси катта умид ва пухта ҳисоб-китоб билан бажарилди. Тизимни ишга тушириш учун хорижий тажрибани ипидан-игнасигача ўрганиб чиқдик. Натижада “АSSECO Central Asia” компанияси билан ҳамкорликни йўлга қўйдик. Қисқа муддатда энг замонавий технологиялар олиб келиб ўрнатилди. Энг малакали кадрларни ишга жалб қилдик. Уларни қўшимча ўқитдик, касбга қайта тайёрладик ва тажрибасини оширдик.  Мақсадимиз ушбу “Call-center”ни банкимизнинг юзи, имижига, бошқача айтганда “ташриф қоғози”га айлантирамиз. Чунки бу ерда банк ходимлари телефон орқали бизнинг энг қадрли ва азиз кишиларимиз — мижозлар билан ишлашади. Уларнинг мурожаатларини қабул қилишади. Шунчаки қабул қилишмайди, балки мижозларга сифатли ва тезкор хизмат кўрсатишади. Келгусида мессенжер, видеоалоқа ва ижтимоий тармоқлар орқали ҳам мурожаатларни қабул қилиш тизимини йўлга қўямиз.

“Call-center” мутасаддиларининг қайд этишларича, ҳозир марказда соат 9:00 дан 18:00 га қадар мурожаатлар қабул қилинмоқда. Ҳар бир мурожаатни марказ мутахассиси ўзи ўрганиб, жавоб беради, банк ходимига улаб берилмайди. Зарур бўлса, филиал ёки республика ходимига қўнғироқ қилиб, масалага ойдинлик киритади. Қўнғироқ қилиб навбатга тушган ва уланолмаган мижозларга марказ операторларининг ўзлари қайта қўнғироқ қилишади.

Кейинги босқичда туну кун — 24/7/365 режимида ишлайдиган ушбу марказда мижоз тўғрисидаги маълумотлар йиғилиб, уларнинг эҳтиёжларини аниқлаш орқали автоматлаштирилган маркетинг ва прогнозлаштирилган сотувлар амалга оширилади ҳамда мижозларга янги банк хизмат турлари таклиф этиб борилади.

  • “АSSECO Groop” — ахборот технологиялари соҳасида дунёнинг етакчи компанияларидан бири,  — дейди “АSSECO Central Asia” Бош директори Eva Nemethova. Мана, Халқ банки билан бир йилдан бери ҳамкорлик алоқаларига киришганмиз. Бунинг натижаси сифатида Жиззахда “Call center” платформаси жорий қилинди. Ушбу янги тизим банк хизматлари оммабоплгини ошириш баробарида, мижозларга кўплаб қулайликлар яратади. Шу маънода, ушбу эзгу ташаббусни фақат қўллаб-қувватлайман.

Ҳозирги кунда “Call-center”да мижозларга қуйидаги хизмат турлари кўрсатилмоқда:

1. Йўқотилган пластик картани блоклаш ёки блокдан чиқариш.

2. Пластик карта балансини ва ўтказмалар тарихини билиш.

3. HUMO пластик картаси эгаларига СМС хабарнома хизматини ёқиш.

4. Жисмоний шахслар кредитлари тўлови учун ID рақамларини билиб бериш ва чакана кредит маҳсулотларига ариза қабул қилиш.

5. Мобиль банкинг хизматлари — ҳисобрақам қўшиш ва олиш, блокка қўйиш ва блокдан чиқариш, мобиль телефон ўзгарганда янги телефонда иловани актив ҳолатга келтириш.

6. Интернет банкинг хизматлари — ҳисобрақам қўшиш ва олиш, блокка қўйиш ва блокдан чиқариш.

7. Юридик шахс мижозларга СМС банкинг хизматида керакли ҳисобрақамларни қўшиш ва олиш, телефон рақам қўшиш ва олиш хизматлари.

8. Юридик мижозларнинг Картотека қарздорликлари ҳақида маълумот бериш.

9. Мижоз тўловлари ўтган ёки ўтмаганлигини аниқлаштириш.

10. Мижозлар омонатлари бўйича маълумот олиш.

11. Кредит, омонат, пенсия ва банк соҳасига оид бошқа масалаларда мурожаат қолдиришлари ва маслаҳат олишлари мумкин.

Янги “Call-center” ишга тушгандан бошлаб қабул қилинган мурожаатларнинг асосий қисми СМС-хабарнома хизматини улаш ва пенсия ва кредит масалаларига оиддир. Шунингдек,  мижозлар банк маҳсулотлари ва хизматларига оид саволлар билан ҳам кўплаб мурожаат қилишган. 

“Call-center”га келиб тушган барча мурожаатларга операторлар томонидан ижобий ечим топиш чоралари кўрилмоқда. Кун давомида ҳал этилмаган мурожаатлар банкнинг ички назорат ва ҳудудий филиаллар фаолиятини мувофиқлаштириш комплекси билан биргаликда ижобий ҳал этилади.

Очилиш маросими якунида Халқ банки Бошқаруви Раиси Ф.Саламов  “Call-center” операторлари билан мулоқот қилиб, уларнинг фикр-мулоҳазалари ва таклифларига қулоқ тутди ҳамда ушбу янги марказнинг аҳамияти, истиқболдаги фаолиятидан кутилаётган натижалар ҳақида сўзлаб берди.

  Банк Ахборот хизмати

скачать dle 12.0
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

СЎНГГИ ЯНГИЛИКЛАР

13:00
Россияда энг оммабоп смартфон бренди – Samsung ёки Xiaomi эмас!
12:24
Жиззах шаҳрининг 2020 йил январь-октябрь ойларида бажарилган иқтисодий кўрсаткичлари
10:28
Шон Коннерининг ўлими сабаби аниқланди
10:27
Келажак технологиялари
10:24
«Мурдаси куйдирилган» ҳинд уйига қайтиб келди
10:23
120 йил ичида уй ҳайвони боқмаган ягона президент
10:21
Машинани қулфлашни унутманг
10:19
Байден оёғини синдириб олди
10:17
Венесуэла президенти халқига «Telegram» ва «WhatsApp»даги рақамларини берди: «Мени ҳам гуруҳингизга қўшиб қўйинг»
10:02
Сенегал терма жамоаси собиқ футболчиси 42 ёшида вафот этди
09:58
Индонезиянинг жанубида вулқон отила бошлади
10:27
2021 йилда солиқ солишда нималар ўзгаради?
10:25
Уч вилоят ҳокимликлари ва ИИБларига нисбатан иш қўзғатилди
10:23
Адолф Ҳитлернинг Аргентинадаги яширин бункеридан фотосуратлар ва тангалар топилди (фото)
10:21
ДХХ кенг кўламли тезкор тадбирлар ўтказди
10:19
Ўзбекистон 10 ойда 17,6 млн. долларлик шиша буюмларни экспорт қилди
БАРЧА ЯНГИЛИКЛАР