» » «Уни иккинчи Оҳунжон Мадалиев дейишади» - Хонанда Раҳматилло Юсупов (видео)

«Уни иккинчи Оҳунжон Мадалиев дейишади» - Хонанда Раҳматилло Юсупов (видео)

«Кетгим келмаяпти онажон», «Келинчак» каби қўшиқларни кўпчилик Ўзбекистонда хизмат кўрсатган артист Оҳунжон Мадалиев томонидан куйланган деб ўйлашади.

Бу қўшиқларнинг асл муаллифи, Оҳунжон Мадалиевнинг шогирди Раҳматилло Юсупов ҳисобланади. Хонанда Раҳматилло Юсупов ижод йўли, имижи, қўшиқлари Оҳунжон Мадалиевга жуда ҳам ўхшагани сабабли мухлислари уни «иккинчи Оҳунжон Мадалиев» деб эътироф этишади.

Хонанда Раҳматилло Юсупов «Дарё» мухбири Феруз Муҳаммадга берган интервьюсида санъат оламига кириб келиши ва Оҳунжон Мадалиевга қандай қилиб шогирд бўлгани ҳақида гапириб берди.

- "Биз раҳматли Оҳунжон Мадалиев билан бир қишлоқданмиз. Қишлоғимиздаги бир тўйда Оҳун акам хизматда бўлганларида дадам раҳматли Оҳун акамнинг ёнларига мени олиб бориб «ўғлим сизнинг қўшиқларингизни айтиб тили чиқди, энди буни шогирдликка оласиз», деганлар. Ёшимиз каттароқ бўлганидан сўнг Оҳунжон Мадалиевнинг уйларига олиб боришган. Уйларига бориб келиб юрганмиз.


Уларнинг тўйлари жуда ҳам кўп бўлгани учун кўпинча хизматларда бўлардилар. Шогирдлар уларнинг тўйларда юриш, туришларидан кўп нарса ўрганганмиз. Оҳун акамнинг водийдаги хизматларига бирга борганмиз. У вақтларда қўшиқлар бошқача бўлганми ёки эшитувчилар бошқачароқ бўлганми. Билмадим. Бугунги кунда тўйларда хориж мусиқалари, ўйин-кулги кўп бўлади. Авваллари оғир, босиқ қўшиқларни кўп эшитишарди. Ҳозир эса…", - дейди хонанда Раҳматилло Юсупов.

Хонанда Раҳматилла Юсупов «Кетгим келмаяпти онажон» ва Келинчак қўшиқларининг яралиши тарихи ҳақида гапирди.

- "Бундан йигирма йиллар аввал Фарғонада бир тадбирда журналист акамиз «Кетгим келмаяпти онажон» қўшиғини айтди. Шеърни айтиб бўлгач бу шеърни дўстимиз Оҳунжон қўшиқ қилмоқчи эдилар, насиб қилмаган экан, шеърни уларнинг шогирдига берамиз, дедилар. Шеърни олиб, уйга бориб уни куйга солиб, мухлисларимизга тақдим этдим. Ижодкор одам сўзга қараб, унга характер бера олиши керак. Сўз дардли сўз бўлгани учун унинг мусиқаси ҳам, йўналиши ҳам мунгли бўлган.

2003—2004 йилларда халқимизнинг севимли шоири, акамиз Иқбол Мирзонинг китобини варақлаб «Келинчак» шеърини кўриб қолганман. Акамизнинг жуда кўп шеърларини қўшиқ қилганмиз, лекин бу шеърга ҳам алоҳида меҳрим тушиб қолди. Ўша вақтларда бунга ўхшаган босиқ қўшиқларим жуда ҳам кўп бўлгани учун, буни архивимга олиб қўйгандим. 2008 йилга келиб қўшиқни мухлисларга тақдим қилганмиз", - дейди Раҳматилло Юсупов.

Маълумот учун, «Кетгим келмаяпти онажон» қўшиғининг сўзи шоир ва журналист Карим Баҳриевга тегишли.

Хонанда Раҳматилло Юсупов 1981 йил, 15 сентябрь куни, Фарғона вилоятида дунёга келган. 100 дан ортиқ муаллифлик қўшиқлари бор. Оилали, икки фарзанднинг отаси.

скачать dle 12.0 Telegram каналимизга обуна бўлинг!
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.
Исмингиз: *
Е-mail: *
Код: Кликните на изображение чтобы обновить код, если он неразборчив
Кодни киритинг:

СЎНГГИ ЯНГИЛИКЛАР

18:38
Жиззахда 9-декабрь Халқаро коррупцияга қарши курашиш куни муносабати билан ўтказилган кўрик-танловнинг ғолиблари тақдирланди
14:40
«Тонировка» бўйича эслатма берилди
14:38
Зангиота шифохонасида дунёга келган чақалоқлар сони маълум қилинди
14:37
Олтита хусусий бандлик агентлиги лицензияси тўхтатилди
14:35
Сурхондарёдаги портлаш жойига Раматов бошчилигидаги Ҳукумат комиссияси сафарбар этилди
12:53
АҚШ Хитойдаги Олимпиада ўйинларига бойкот эълон қилди. Сабаб ва муносабатлар
11:18
Метрода 13 ёшли қизга тегажоғлик қилган шахсга суд ҳукми ўқилди
11:10
Ўзбекистон интернет тезлиги рейтингида бир йилда 37 поғона юқорилади
11:06
Қирғизистонда фермерлар 3 йилга ер солиғидан озод қилинди
10:59
Британияда водород ёнилғисида ҳаракатланадиган самолёт ишлаб чиқарилди
11:23
Фориш туманида ҳарбий хизматчилар учун уй-жойлар қурилмоқда
11:20
Арнасой туман 4-сектор худудида енгил конструкцияли инфратузилма объектлари ўрнатилди
11:16
Ҳиндистон армиясининг махсус операцияси вақтидаги қўпол хато туфайли 14 киши ҳалок бўлди
11:12
Олий маълумот олмаганлар ҳам ҳоким ёрдамчиси бўлиши мумкин
11:10
Шавкат Мирзиёев «Ватан ҳимоячилари» монументига гул қўйди (фото)
11:09
Андроид-телевизорларда иловани энди смартфон орқали ўрнатиш мумкин
БАРЧА ЯНГИЛИКЛАР