Ўзбекистонда хизмат кўрсатган артист Саида Раметова оғир хасталикка чалинди. Бу ҳақда Журналист Шохира Хамро ўзининг фейсбукдаги саҳифасида маълум қилди.

“Ўзбекистон халқ артисти" унвонини аллақачон халқ бериб бўлган севимли актрисамиз, қариндошдан-да қадрдон опам Саида Раметова айни пайтда Туркия давлатида бўлиб турибдилар. Опа ўзбек томоннинг буюртмасига кўра турк киноижодкорлари томонидан суратга олинаётган "Жалолиддин Мангуберди" сериалида банд эдилар. Катта кастинг-синовлардан ўтиб, турк кинорежиссёрининг назарига тушган ва айни кунда сериалдаги салмоқли ролни ижро этишга таклиф этилган Саида Раметова Истамбулда жиддий бетоб эканликларини билиб қолибдилар. Турк шифокорлари операцияни ва ундан кейинги химия муолажаларини Истамбулда олишни таклиф қилишса-да, опа Ватанга қайтишни, бошига тушган синовли кунларни оиласи, мухлислари ёнида кечиб ўтишга қарор қилибдилар. Бугун жума, хайрли кун. Опа сизу-бизнинг дуоларимизга ҳар қачонгидан-да муҳтож. Дуо қилинг азизлар, Яратган Саида опага ўзи шифо берсин. Зеро кўпчиликнинг дуоси ижобат бўлади, дейишади-ку.. Илоҳим бу синовларингни енгиб ўтишда бандангга ўзи куч-қувват, сабр бер...", деб ёзади журналист.