Яқинда ижтимоий тармоқлар орқали “Солиқчиларга Меҳнат кодекси татбиқ этиладими?!” деб номланган танқидий хабар эълон қилди.
Унда Жиззахлик солиқчиларининг дам олиш кунлари ишга жалб этилаётганлиги баён қилинган.
2024 йилнинг 1- чорак якунлари ва март ойи учун бюджет даромадларига белгиланган прогноз режаларни ижобий якунлаш мақсадида масъул раҳбар ва ходимлар дам олиш кунлари белгиланган тартибда Ўзбекистон Республикаси Меҳнат кодексининг 209- моддасига мувофиқ, солиқ бошқармаси касаба уюшмаси қўмитаси билан келишилган ҳолда 2024 йил 7 мартдаги 00054-сонли махсус буйруғи билан ишга жалб қилинган.
Мазкур буйриқнинг 3- бандида дам олиш кунлари ишга жалб қилинган ходимлар Меҳнат кодексининг 262-моддасига асосан ҳақиқатдан жалб этилган иш соатига икки ҳисса миқдорида ҳақ тўланиши белгиланган.
Жиззах вилоят солиқ бошқармаси Ахборот хизмати