» » Қўшилган қиймат солиғи суммаси ўрнини қоплаш мумкин(ми?)

Қўшилган қиймат солиғи суммаси ўрнини қоплаш мумкин(ми?)

2020 йил 1 январдан кучга кирган янги таҳрирдаги Солиқ кодексида қўшилган қиймат солиғининг тўлақонли занжирини шакллантиришга ва унинг шаффофлигини таъминлаш мақсадида бир нечта тартиблари ишлаб чиқилди. Жумладан, асосий воситалар, шу жумладан кўчмас мулк сотиб олинганда (қурилганда) ҚҚСни биратўла ҳисобга олиш жорий этилди. Шунингдек, барча хўжалик юритувчи субъектларга ҚҚС бўйича “манфий” қолдиқни қайтариш ҳуқуқи берилди.

Мазкур жараёнда солиқ тўловчилар маълумотлар базасини ҳамда ҳисоботларини умумлаштириш ва оптималлаштириш мақсадида Ўзбекистон Республикаси Давлат солиқ қўмитасининг 2020 йил 19 июндаги буйруғига асосан Сирдарё вилоят давлат солиқ бошқармасида “Қўшилган қиймат солиғи маъмуриятчилиги” бўлими ташкил этилди. Бунда ҳудудий туман ва шаҳарларда рўйхатдан ўтган қўшилган қиймат солиғи тўловчиларига жорий йилнинг 1 сентябридан эътиборан инспекциялар эмас балки бошқарманинг мазкур бўлими томонидан хизмат кўрсатиши назарда тутилган.

- Ҳозирги кунда вилоят бўйича жами 3528 та қўшилган қиймат солиғи тўловчилари тўлиқ вилоят давлат солиқ бошқармаси ҳисобига кўчириб ўтказилди, - дейди Сирдарё вилояти давлат солиқ бошқармаси “Қўшилган қиймат солиғи маъмурчилиги” бўлими бошлиғи Азамат Куйчиев. - Уларнинг ҳисоботларини қабул қилиш, таҳлил қилиш ва қўшилган қиймат солиғи бўйича мавжуд ортиқча суммаларини уларнинг аризаларига кўра ҳисоб рақамларига қайтариш, бошқа солиқ турларидан бўлган қарздорликларига қоплаш каби назорат ишлари олиб борилмоқда.

Солиқ кодексининг 274-моддасида Солиқнинг ўрнини қоплаш белгилаб қўйилган бўлиб, унга кўра корхона томонидан тақдим қилинган ҳисоботларга ва ҳақиқатда тўлаб берилган солиқ суммалари натижасида пайдо бўлган манфий қолдиқдаги солиқ ёки ортиқча тўлов икки хил шаклда солиқ органларига солиқ суммасини қайтариш тўғрисида берилган аризага асосан қайтариб берилади.

Жумладан, “0”ставка қўллаш ёки товарларни экспорт қилиш натижасида пайдо бўлган қўшилган қиймат солиғи бўйича ортиқча суммаларини корхона ариза берган кундан бошлаб 7 кун ичида тезлаштирилган тарзда қоплаб берилади. Бошқа ҳолларда эса яъни товар-моддий захиралар қолдиғини ҳисобга олиш натижасида, асосий воситалар қолдиғини ҳисобга олиш натижасида, ҳисобга олинган (харид) ҚҚСнинг реализация қилинган ҚҚСдан ошиб кетиши натижасида ва бошқа ҳолатлар бўйича мавжуд бўлган ортиқча тўлов суммаларини эса камерал солиқ текшируви натижаларига кўра солиқ органи қайтариш учун аризада кўрсатилган солиқ суммасининг ўрнини тўлиқ ёки қисман қоплаш тўғрисида қарор қабул қилса, мазкур солиқ суммаси солиқ тўловчига солиқ суммасини қайтариш тўғрисида ариза берилган санадан эътиборан олтмиш (60) кундан кечиктирмай қайтарилади.

Бугунги кунда вилоятимиз бўйича жами 1925 та хўжалик юритувчи субъектларнинг қўшилган қиймат солиғи бўйича 145,285.4 минг сўмлик ортиқча тўловлари мавжуд бўлиб, ушбу корхоналарни яшил, сариқ ва қизил йўлакчаларга ажратган ҳолда улардан келаётган аризаларга асосан белгиланган муддатларда тегишли тартибда ҳисоб рақамларига қайтариш ёки бошқа солиқ турларига қоплаш ишларини амалга оширишда вилоят давлат солиқ бошқармаси томонидан хизмат кўрсатилиши йўлга қўйилган.

 

Сирдарё вилояти давлат солиқ бошқармаси

Матбуот хизмати

скачать dle 12.0
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

СЎНГГИ ЯНГИЛИКЛАР

14:41
Дубайда қўлга олинган Instagram юлдузининг уйидан 37 миллион доллар пул ва 13 та люкс автомобил чиқди
14:16
«Ёлғиз бўри» Хитойнинг энг бой одамига айланди
13:47
Андижонда «ақлли» газ ҳисоблагич ўрнатилганидан 2,5 соат ўтиб портлаб кетди
13:01
Президент янги «Таълим тўғрисида»ги қонунни имзолади
12:58
«Авифавир» препарати олиб келинди
12:57
Galaxy S20 FE смартфони намойиш қилинди: фото, нарх ва хусусиятлари
12:53
Навоийда вилоятга бўйсунувчи янги шаҳар ташкил этилди
12:51
Дроннинг ноқонуний “парвози”га чек қўйилди
12:49
Ўзбекистонда газ ҳисоблагичлар тўлиқ алмаштирилади
12:45
Шуҳрат Ғаниев қайси ижобий ҳислатлари эвазига Бош вазир ўринбосари этиб тайинлангани маълум қилинди
12:40
Бугун тадбиркорга солиқ имтиёзи жуда ҳам зарур
11:48
Дўстлик туманидаги қўштирноқ ичидаги блогернинг иддаолари асоссиз бўлиб чиқди
11:26
Жиззахда қайнонасининг 267 минг долларга тенг пул ва тилла тақинчоқларини ўғирлаган собиқ куёв ва унинг шериклари ушланди
11:15
Коронавирусга қарши дунёдаги биринчи самарали дори яратилди
11:14
Коронавирус пандемиясининг яна бир ижобий томони очиқланди
11:10
Зафаробод туманидаги режалаштирилган ишлар охирига етказилади
БАРЧА ЯНГИЛИКЛАР