Сегодня:
Жиззах C
Breaking news
Бугун солиқ қонунчилигидаги ўзгаришларни солиқ тўловчиларга етказиш мақсадида...
Бу ҳақида Zamon.uz’ Хоразм вилояти ИИБ матбуот хизматига асосан хабар бермоқда....
«Заковат» интеллектуал клуби нодавлат нотижорат ташкилоти тузилади. Бу ҳақида...
Ўзбекистон Ички ишлар вазирлиги Йўл ҳаракати хавфсизлиги бош бошқармаси 2021...
Ўзбекистонлик мухлисларни эса албатта юртдошимиз Маҳмуд Мурадов ҳаракат...
Кадастр агентлигининг Давлат кадастрлари палатаси Андижон вилояти...
Ҳиндистон ҳукумати 59 та Хитой дастурини умрбодга блоклади, улар...
Хабарингиз бор, 2020 йилда Давлат солиқ қўмитаси томонидан оммабоп ижтимоий...
2020 йилда нечта китоб ўқидингиз?
Фикрлар
Javohir
Tik tok ishlaydimi...
Вчера, 11:10
Admin
Ҳурматли Бунёд аввало бошлаган ишингизга омад тилайман яхши ният қилибсиз албатта ривожланади бизнесингиз. Сиз...
Вчера, 09:17
Bunyod
Men tadbirkorlik bilan shug'ulanib qurilish mollari ishlab chiqarmoqchiman gazablok,shlakablok,burchatka ishlab...
26 января 2021 18:01
RaleksaMot
www.brainhouse.com.ua/directions/maths/...
25 января 2021 23:06
» » Янгиобод ва Зафарободда ДСИнинг янги бинолари очилди

Янгиобод ва Зафарободда ДСИнинг янги бинолари очилди

22 дек 2020, 18:54, Admin
0 комментариев    140 Кўрилган

Мураккаб келган йил синовларини меҳнат ва уюшқоқлик билан енгиб ўтишда вилоятимиз солиқ идоралари ўзига хос тажриба намоён этишди.

Солиқ тушумларини тўлиқ таъминлаш, прогноз режаларини ошириб бажариш ҳамда солиқ тўловчилар учун қулай ва замонавий муҳит яратишга эришилгани фикримизга мисолдир. Янги йил байрами арафасида вилоятимизнинг учта туманида замонавий давлат солиқ инспекцияси биноларининг фойдаланишга топширилиши энг аввало солиқ тўловчилар манфаатига хизмати қилади.
Янгиобод тумани давлат солиқ инспекциясининг очилиш маросимида туман ҳокими И.Матиев, туман фаоллари ва меҳнат фахрийлари иштирок этишди. Тадбирда сўзга чиққан вилоят ДСБ бошлиғи Бекзод Ташпулатов ушбу иншоот узоқ йиллар туман аҳлининг фаровонлиги ва иқтисодиёти ривожи учун хизмат қилишини билдирди.

Бино “Даштабодқурилиш инвест” масъулияти чекланган жамият қурувчилари томонидан бунёд этилди. Уни жиҳозлашда “Солиқ идораси -тадбиркорга кўмакчи” тамойилининг амалдаги ифодаси акс этишига эътибор қаратилган.
Жорий йилда Жиззах вилояти давлат солиқ идоралари ходимлари самарали ва сидқидилдан меҳнат қилдилар. Солиқ тўлаш маданиятини шакллантириш, солиқ тўловчиларга ўзларининг асосий қонуний бурчларини адо этишлари учун қулай шарт-шароитлар яратиш борасида ижобий натижаларга эришилди. Биргина Янгиобод туманида бюджетга солиқ тушумлари йил бошидан буён 13, 600 млн. сўмга ёки 102 фоиздан ошириб бажарилди. Ўз навбатида вилоят миқёсида солиқ тушумлари йил якунланмай туриб, бугунги санага нисбатан 107% дан ошириб бажарилган. Буни мамлакатимизда бозор тамойилларига жавоб берадиган солиқ тизимининг шаклланаётгани ҳамда тизимни бошқаришнинг замонавий механизмлари жорий этилишининг амалий натижаси деб баҳолаш лозим.

- 20 йилдан буён солиқ тизимида ишлайман, - дейди Янгиобод туман ДСИ катта инспектори Абдужалол Алимардонов. – Бундай чиройли, қулай ва замонавий бино бизнинг кўп йиллик орзуимиз эди. Шундай бўлса-да, ўз ишимизни виждонан бажариб, солиқ тушумларини ўз вақтида йиғишга ҳаракат қилганмиз. Бугун фойдаланишга топширилган бу бинода халқимизга сидқидилдан хизмат қилишга иштиёқимиз ошмоқда.

Жиззах вилоятида жорий йилда Зарбдор, Янгиобод, Зафаробод ва Шароф Рашидов тумани давлат солиқ инспекцияларининг янги бинолари барпо этилди. Зафаробод туманида ҳам давлат солиқ инспекциясининг янги биноси фойдаланишга топширилди. Бинонинг очилиш маросимида сўзга чиққан нотиқлар ушбу воқелик туман ижтимоий-иқтисодий ҳаётида ғоят муҳим эканини таъкидлашди. Солиқ ходимларининг иш унумдорлигини ошириш ва бюджет даромадларини таъминловчи солиқ тизими ишини самарали ташкил этишда мазкур бино катта аҳамиятга эгадир. Инспекция биноси “Файз барака классик” масъулияти чекланган жамияти қурувчилари томонидан бунёд этилди.
Жорий йилда Зафаробод туман давлат солиқ инспекцияси ходимлари кўмаги билан бугунги кун ҳолатига давлат бюджетига 61,7 миллиард сўм тушум қилиниб, белгиланган прогноз кўрсатгичи 158 фоизга бажарилди. Тадбирда зафарободлик солиқчилар меҳнатига муносиб рағбат сифатида Давлат солиқ қўмитаси томонидан ажратилган хизмат автомобили ҳам тантанали равишда топширилди.
Умуман, йил давомида бюджет тушумлари муддатидан олдин ошириб бажарилгани ва солиқ ислоҳотлари ижроси тўлақонли таъминлангани эвазига Жиззах вилояти солиқ идораларига 10 дона хизмат автомобили топширилди.

Инспекцияларнинг очилиш маросимида солиқчилар ва солиқ тўловчилар учун яратилган қулайликлар солиқ тушумларининг янада яхшиланиши, солиқ тўловчилар фаоллиги ошишида муҳим омил бўлиши эътироф этилди.

Жиззах вилояти ДСБ Ахборот хизмати

скачать dle 12.0
Фикрлар
Кликните на изображение чтобы обновить код, если он неразборчив