Кўза кундамас, кунида синади

Кўза кундамас, кунида синади

Ҳалол тадбиркорлик деганда нафақат истеъмолчиларга сифатли ва виждонан хизмат кўрсатиш, балки энг аввало тушумларни яширмаслик, солиқ тўловларидан қочмаслик тушунилади. Аммо айрим умумий овқатланиш шохобчаларида айни шу талаб бузилмоқда.

Жиззах – Зарбдор йўлида жойлашган “Olmazor-city” чойхонаcи ҳамиша гавжум. “Ал-марва зиё” МЧЖга қарашли ушбу умумий овқатланиш шохобчаси солиқ идораларининг “қизил йўлаги”га тушиб қолди. Шароф Рашидов тумани ДСИ томонидан мазкур овқатланиш шохобчаси фаолияти бўйича “Таҳлика-таҳлил” дастури асосида сайёр солиқ текшируви ўтказишга асос бўлди.

- Маълумот учун, «Таҳлика-таҳлил дастури инсон омилисиз автоматлаштирилган ҳолда фаолият кўрсатаётган барча хўжалик субъектларини мезонлар асосида хавфлилик даражасига қараб 3та сегментга ажратади, - дейди вилоят ДСБ Ахборот хизмати ходими Гулчеҳра Урдушева. -  Тўпланган маълумотлар сайёр текширувларни ташкил этиш, яъни профилактика тадбирлари, хронометраж кузатувлари, назорат-касса техникаси ва тўлов терминаллари қўлланилишини текшириш ва солиқ назоратининг бошқа тадбирларни ташкил этишга асос бўлади.

Ўтказилган сайёр солиқ текшируви натижасида 12 январь ҳолатига харидорга 45000 сўм учун харид чеки берилмагани ҳамда онлайн назорат касса машинаси хотирасига 760 минг сўм кирим қилинмагани аниқланди. Ҳолат юзасидан гувоҳлар иштирокида далолатнома тузилди.

Мазкур ҳолат юзасидан МЧЖ раҳбарига нисбатан қонунда белгиланган тартибда чора кўрилмоқда. Шунингдек, МЧЖга нисбатан молиявий жарима ҳам қўлланилади.

Ўйлаймизки, бу ҳолат умумий овқатланиш соҳасида фаолият юритаётган қолган барча тадбиркорлик субъектлари учун ҳам хулоса қилиш учун етарли бўлади.

скачать dle 12.0

Коммент қолдириш:


Кликните на изображение чтобы обновить код, если он неразборчив


Flag Counter