Вирус билан ёнма-ён яшаш заруратини ҳаётнинг ўзи талаб қилмоқда. Буни давлат солиқ идораларининг фаолиятини тўхтатган тадбиркорлик субъектлари билан олиб борилган манзилли ишларида ҳам кўриш мумкин. Жиззах вилоятида карантин пайтида фаолиятини вақтинча тўхтатган корхоналар билан олиб борилган ишлар натижасида июль ойида фаолиятини тўхтатган 1794 та тадбиркорлик субъектининг барчаси яна ишлай бошлади.
Умуман, карантин даврида Жиззах вилоятидаги фаолияти тўхтаган корхоналарнинг 23,6 минг нафар ишчи ходимлари иш ўринларини вақтинча йўқотиб, ижтимоий муҳтож оилалар рўйхатига кириб қолган эди. Карантин юмшатилиши билан уларнинг барчаси яна иш ўринларига қайтди.
Албатта, айни кундаги асосий эътибор қайси турдаги корхона бўлмасин, аввало карантин талабларига қатъий риоя қилиш ва вирус тарқалиш эҳтимолини максимал даражада камайтиришга қаратилган.

Жиззах вилояти ДСБ Ахборот хизмати.