Криштиану Роналдунинг “Ювентус”даги фаолияти ҳам мавҳумлигича қолмоқда. Турин суперклуби раҳбарияти агарда португалиялик юлдуз бошқа жамоага кетишни истаса унга қаршилик қилмаслигини билдирди.

Маълумотларга қараганда, “Ювентус” хўжайинлари Криштиану Роналдудан “Манчестер Юнайтед”дан Поль Погбани олишда фойдаланмоқчи. Мутахассислар “Манчестер Юнайтед”нинг келаси мавсумда Европа Чемпионлар лигасида иштирок этиш имконияти юқорилиги Роналдуни ўзига жалб этаётганини таъкидлаяпти.

Ўз навбатида, Поль Погба инглизларнинг янги шартнома бўйича таклифини рад этди. Франциялик ярим ҳимоячи Турин клубига Криштиану Роналду кетганидан кейин қайтиши мумкинлигини маълум қилган. Андреа Пирло эса анчадан бери уни “Ювентус”га қайтармоқчи бўляпти.

Бундан ташқари, “Ювентус” иккинчи ҳужумчи Пауло Дибала билан ҳам хайрлашишга тайёр. Улар аргентиналик юлдуз ўрнига Усмон Дембеле, Габриэль Жезус ёки Мауро Икардини олиб келишни мўлжалламоқда.