ОЧЛ. "Пахтакор" ва "Насаф" қайси саватчадан ўрин эгаллайди? "Навбаҳор" ва АГМКнинг илк рақиблари маълум бўлди
Ўзбекистон Суперлигаси 2022 йилги мавсум якунига етди. Келаси мавсум ҳалқаро майдонда иштирок этадиган жамоалар аниқланди.
"Пахтакор" чемпионликка эришиб, ОЧЛ 2023/24 йилги мавсум гуруҳ босқичида иштирок этиш йўлланмасини қўлга киритди. Жамоа биринчи саватчадан ўрин олади.
"Насаф" эса Ўзбекистон Кубоги соҳиби сифатида гуруҳ босқичига тўғридан-тўғри йўлланма олди. Бироқ улар 2-саватчадан ўрин олади.
"Навбаҳор" эса ОЧЛдаги дебют ўйинини саралаш босқичида Уммоннинг "Ал-Сиб" жамоасига қарши ўтказади. Ушбу баҳсда ғалаба қозонган тақдирда жамоа Қатарнинг тўртинчи жамоасига қарши ўйнайди.
АГМК ҳам иштирокни саралаш босқичидан бошлайди. Рақиб - Бангладешнинг "Башундара Кингз" жамоаси бўлади. Олмалиқликлар ушбу баҳсда ғалаба қозонган тақдирда Қатарга боради ва учинчи жамоа билан ўйнайди.