Туркиянинг «Галатасарой» клуби ҳимоячиси ва Норвегия терма жамоаси сардори Умар Элабделлауи Янги йилга ўтар кечаси Истанбулдаги шифохонага келтирилди.

29 ёшли футболчининг қўлидаги фейерверк портлаб кетиб, у жиддий жароҳат олган. Бу ҳақда «Goal.com» хабар берди.

«Галатасарой» клуби матбуот хизмати маълум қилишича, футболчининг ҳаёти учун хавф йўқ, бироқ у кўриш қобилиятидан ажралиши мумкин.