8 август куни ҳужумчи Лионель Месси матбуот анжуманида «Барселона»дан кетиши ҳақида гапирди.

34 ёшли аргентиналик футболчи сўзини бошламоқчи эди, лекин кўз ёшларини тия олмади. Унинг ўзига келиши ва гапини бошлаши учун бир неча дақиқа керак бўлди.

«Бутун умрим давомида мен учун энг қадрли бўлган жамоани тарк этиш жуда қийин. Бу ҳолатга кўника олмаяпман. Ўтган йили қийин лаҳзаларни бошимдан ўтказдим. Бугун ҳамма билан хайрлашишга мажбурман», — деди Месси.

Aввалроқ, Каталония клуби тизимида 21 йилдан сўнг Месси «Барселона» сафини тарк этиши маълум бўлган эди.