«Барселона» қишки трансфер ойнасида тўрт нафар футболчиси билан хайрлашмоқчи. Кўк-анорранглилар жамоадаги маошларни шу тариқа мўътадиллаштиришмоқчи.

Каталония жамоасининг молиявий муаммолари майдондаги муаммоларидан жиддийроқ. Ёзда Мартин Брейтуэйт, Рики Пуч ва Миралим Пяничларнинг жавоби берилиб, масала қисман ҳал этилди. Бироқ қолган футболчилар маошлари қисқаришига рози эмас.

Diario Sport ёзишича, «Барселона» қишда Жерар Пике, Френки Де Йонг, Мемфис Депай ва Жорди Албага «кетиш чиптаси»ни тақдим этиши кутилмоқда.