» » Сохта ўт ўчирувчи ва мўри тозаловчилардан эҳтиёт бўлинг!

Сохта ўт ўчирувчи ва мўри тозаловчилардан эҳтиёт бўлинг!

Адлия вазирлиги Жамоатчилик билан алоқалар бўлимининг маълум қилишича, одамларнинг ишончига кириб, ўзларини “ўт ўчирувчи ва мўри тозаловчилар” деб таништириб, кўплаб фуқароларнинг пулларини ўзлаштириш ҳолатлари кузатилмоқда.

Куз-қиш мавсуми келиши билан аҳолининг газ, кўмир ва бошқа муқобил ёқилғи турларидан фойдаланишга бўлган эҳтиёжи кескин ортади. Табиийки, бундай шароитда ёнғиннинг олдини олиш бўйича одамларга маслаҳат берувчи ва пуллик хизматлар кўрсатувчи “учарлар” ҳам кўпаяди, дейилади Адлия хабарида. 

Шу сабаб вазирлик сохта ўт ўчирувчи ва мўри тозаловчилардан  огоҳлантирмоқда.

Қандай МАЖБУРИЯТИНГИЗ борлигини билиб олинг.

Сиз:

  • газ ва маиший электр асбобларидан фойдаланишда эҳтиёткорлик чораларини кўришингиз;
  • тутун мўрилари, мўриларнинг каллакларини ва вентиляция каналларининг ҳолатини ўз вақтида текширтиришингиз;
  • тутун мўрилари ва вентиляция каналларидаги носозликлар тўғрисида 1101 ёки 1050 қисқа рақамларига зудлик билан хабар беришингиз;
  • турар жой ва бино-иншоотларингизни текшириш учун ёнғин назорати органларининг мансабдор шахсларига имконият беришингиз лозим.

Эслатма. Ёнғин назорати органлари – булар Фавқулодда вазиятлар вазирлиги ва унинг ҳудудий бўлинмаларидир.

Ёнғинни олдини олиш бўйича қандай ПУЛЛИК ХИЗМАТЛАР кўрсатилади?

Ўзбекистон Республикаси Фавқулодда вазиятлар органлари ва тузилмалари томонидан юридик ва жисмоний шахсларга кўрсатиладиган пуллик хизматларнинг рўйхатига (рўйхат рақами 3184, 2019 йил 20 сентябрь) асосан, одамларга ёнғин хавфсизлиги чора-тадбирларини қўллашни ўргатиш, мўриларни тозалаш ва шу каби бошқа хизматлар кўрсатилиши мумкин.

Мазкур пуллик хизматлар аҳолининг ихтиёрий мурожаати асосида кўрсатилади.

Қонунчиликка кўра, бу каби хизматлар тижорат ва нотижорат ташкилотлари томонидан ҳам кўрсатилиши мумкин. Бунда одамларни шартнома тузишга мажбурлашга йўл қўйилмайди.

Сохта “ўт ўчирувчи ва мўри тозаловчилар”га алданиб қолмаслик учун НИМАЛАРГА ЭЪТИБОР ҚАРАТИШ керак?

Биринчидан, хизмат кўрсатувчи ташкилотнинг рўйхатдан ўтганлиги ҳақидаги гувоҳномаси ва ходимнинг хизмат гувоҳномаси тақдим этилишини қатъий талаб қилинг ва нусха олинг (фото- ёки видеога қайд қилинг).

Иккинчидан, маслаҳат ва кўрсатмоқчи бўлган хизмати учун таклиф қилган шартнома шартлари ва пуллик хизматлар тарифлари (нархлари) билан батафсил танишиб чиқинг.

Учинчидан, агар шартнома шартлари ва тариф (нарх) мақул келмаса, таклиф этилган ҳар қандай хизматдан бош тортинг.

Тўртинчидан, шартнома шартларига рози бўлсангиз, шартномада кўрсатилган миқдордагина тўловни амалга оширинг. Бунда тўлов чеки (квитанция) талаб қилишни унутманг.

Бешинчидан, кўрсатилган хизматнинг сифати учун кафолатнома талаб қилинг.

Эслатма. Фирибгарлик жинояти, яъни алдаш ёки ишончни суиистеъмол қилиш йўли билан ўзганинг мулкини қўлга киритиш 11 млн. сўмдан 22 млн. сўмгача жарима ёки 3 йилгача озодликдан маҳрум қилиш билан жазоланади.

 Агар ўзини “ёнғин назорати органи ходими” сифатида таништириб, мажбурий тартибда пул ундириш ҳолатларига дуч келсангиз:

  • ички ишлар органларига – 1002 қисқа рақамига;
  • прокуратура органларига – 1007 қисқа рақамига;
  • адлия органларига – 1008 қисқа рақамига зудлик билан мурожаат қилинг.
скачать dle 12.0
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.

СЎНГГИ ЯНГИЛИКЛАР

11:02
Марадонанинг адвокати кутилмаганда қотилликда гумон қилинаётган шахсни ҳимоя қилиб чиқди
11:00
Самарқандда икки аёл тўрт эркак билан талончилик қилди
10:59
Ушбу ҳафтада об-ҳаво 15 даражагача исийди – Гидрометеорология хизмати
10:58
Президент янги унвонни таъсис этиш тўғрисида қонун имзолади
13:00
Россияда энг оммабоп смартфон бренди – Samsung ёки Xiaomi эмас!
12:24
Жиззах шаҳрининг 2020 йил январь-октябрь ойларида бажарилган иқтисодий кўрсаткичлари
10:28
Шон Коннерининг ўлими сабаби аниқланди
10:27
Келажак технологиялари
10:24
«Мурдаси куйдирилган» ҳинд уйига қайтиб келди
10:23
120 йил ичида уй ҳайвони боқмаган ягона президент
10:21
Машинани қулфлашни унутманг
10:19
Байден оёғини синдириб олди
10:17
Венесуэла президенти халқига «Telegram» ва «WhatsApp»даги рақамларини берди: «Мени ҳам гуруҳингизга қўшиб қўйинг»
10:02
Сенегал терма жамоаси собиқ футболчиси 42 ёшида вафот этди
09:58
Индонезиянинг жанубида вулқон отила бошлади
10:27
2021 йилда солиқ солишда нималар ўзгаради?
БАРЧА ЯНГИЛИКЛАР