Redmi 10C смартфони тақдим этилди

Redmi 10C смартфони тақдим этилди

Бир неча кун олдин Xiaomi компанияси Redmi 10 сериясини яна битта смартфон билан бойитди. Ушбу смартфон техник кўрсаткичлар жиҳатидан Redmi 10 моделига ўхшайди. Биргина фарқ Redmi 10C моделига каттароқ дисплей ва Helio G88 чипи ўрнига Snapdragon 680 чипи ўрнатилган. 

Қурилма HD+ резолюциядаги 6.7 дюймли IPS LCD дисплейи билан жиҳозланган. Дисплейнинг юқори қисмидан 5МП томчисимон селфи камера ўрин олган. Орқа панелда 50МП асосий камера ва 2МП сатҳ камера жойлашган. Android 11 операцион тизимига асосланган MIUI 13 график қобиғида ишловчи қурилма 18 ваттда қувват олувчи 5,000 мАс сиғимли аккумуляторга эга. 

Смартфоннинг 4/64ГБ, 4/128ГБ хотирага эга турлари мавжуд. Хотирани microSD картаси билан кенгайтириш мумкин. Қулоқчинларни улаш учун 3.5 мм аудио жек ҳам бор. 

Redmi 10C модели Graphite Grey, Mint Green ва Ocean Blue рангларда тақдим этилди. Смартфоннинг нархи ва қачон сотувга чиқиши ҳақида ҳеч қандай маълумот бермади.