Ўзбекистонликлар замонавий шароитда квартирани таъмирлаш учун қанча маблағ сарфланишини ҳисоблаб чиқишган. Таъмирлаш бригадалари ўртача бир квадрат метр учун 100 - 200 долларгача ҳақ олишади, аммо қоида тариқасида, таъмирлаш жараёнда бу харажат яна 50-100 фоизга ошади.

“Истеъмолчи.уз” ҳамжмамиятининг маълумотларига кўра, усталар айни пайтда бир квадрат метр учун 100-200 доллар сўрашади. Ҳисоблашда айнан   хоналар поли эътиборга олинади. Бу нархга меҳнат ҳаққи ва материаллар киради.

Таъмирлашни якунлаганлардан мисоллар:

• 45 квадрат метрлик “қути” - 12 минг долларга;

• 58 квадрат метрлик “қути”- 16 минг долларга;

• 66 квадрат метрлик “қути”-16 минг долларга тушади. 

Бунга электрик, сантехника, эшиклар, кондиционер, ошхона ва даҳлиздаги плиткалар (пол), ламинат тахта, манзарали шифт, девор қоғози киради.

Оддий ҳисоб-китоблар шуни кўрсатадики, таъмирлаш усталар олдиндан айтган нархга кўра   кимматроқ бўлади, яъни тахминан 240-275 долларни ташкил этади.

Хуллас, янги қурилган уйдан кичикроқ хонадон олмоқчи бўлсангиз, унинг нархига бемалол 12-16 минг доллар қўшаверинг.