Ўтган йилнинг 1 декабридан жорий йилнинг 15 февралигача бўлган даврда Ўзбекистонда табиий газдан ноқонуний фойдаланиш ҳолатлари кенг миқёсда аниқланди — давлатга етказилган зарар 327 миллиард сўмдан ошди!
Қандай ўғирликлар аниқланди?
- "Ўзэнергоинспекция" маълумотларига кўра, ушбу даврда ноқонуний газ истеъмолининг 167 та ҳолати фош қилинган. Ушбу ҳолатларда 82,2 миллион куб метр газдан ноқонуний фойдаланилган, бунинг қиймати 210,43 миллиард сўмни ташкил этади.
- "Ҳудудгазтаъминот" ходимлари эса яна 6 472 та ноқонуний газ истеъмоли ҳолатини аниқлашган — бу 50,89 миллион куб метр газга тенг, 117,3 миллиард сўм зарар келтирилган.
Суюлтирилган газ бозори ҳам "қора"да!
- Шу даврда 4 942 та маиший газ баллонларида 77,8 тонна (36 минг куб метр) суюлтирилган газни ноқонуний сотишга уриниш ҳолатлари олдини олинган.
Келтирилган зарар нимага тенг?
- Ушбу ноқонуний истеъмол ҳажми 266 170 та хонадоннинг бир ойлик қишки газ истеъмолига тенг!
- Ёки метан газ қуйиш шохобчаларининг 10 кунлик фаолиятини таъминлаш мумкин бўлар эди.
Қонунчилик назорати:
- Барча аниқланган ҳолатлар ҳужжатлаштирилган ва назорат органларига юборилган. Бош прокуратура, "Ўзэнергоинспекция" ва бошқа идоралар томонидан табиий газ истеъмоли бўйича назорат тадбирлари давом эттирилмоқда.
Эслатма:
Яқинда Самарқанд вилоятида ўтказилган йиғилишда энергетика компанияларининг 7 нафар ходими коррупция билан қўлга олинган эди — кўринадики, газ ўғирлиги ва коррупция муаммолари бир-бири билан узвий боғлиқ.