«Наполи»нинг 30 ёшли ҳужумчиси Лоренцо Инсинье ўз номини жамоа тарихига ёзиб қўйди.
Италия чемпионатининг 25-турида «Наполи» ва «Интер» ўртасидаги ўйин дуранг билан тугади — 1:1. Ушбу ўйинда Инсинье неаполликлар сафидаги ўзининг 116-голини киритди.
Аргентиналик футбол афсонаси Диего Марадона «Наполи»даги фаолияти давомида 115 та гол урган.
2022 йилнинг ёзидан бошлаб Инсинье МЛСнинг «Торонто» (Канада) клубида тўп суришни бошлайди. У шимолий америкаликлар билан 4 йиллик шартнома имзолаган.
