Италиялик машҳур рассом Леонардо да Винчининг "Мона Лиза" (Жоконда) картини Париждаги Лувр музейида алоҳида хонага кўчирилади. Франция Президенти Эммануэль Макрон бу қарорни эълон қилди. Янги зал 2031 йилгача очилиши режалаштирилган, шунда музейдаги асарларнинг сақланиши ва кўрсатилиши учун шароитлар яхшиланади.
Лувр музейи ҳар йили 9 миллионга яқин ташриф буюрувчиларни жалб қилади. Бу, ўз навбатида, гавжумликка сабаб бўлмоқда, шунинг учун музейда янги кириш эшиги қурилиши ва қайта қурилиш ишлари режалаштирилган. Музейнинг кунлик ташрифчи сони 30 минг кишига етган ва бунинг 80 фоизи Леонардо да Винчининг "Мона Лиза"сини кўриш учун келади. Шунинг учун расмни алоҳида хонага кўчириш бўйича таклифлар бир неча йилдан бери муҳокама қилинаётган эди.
Макроннинг эълонига кўра, Лувр музейи 2031 йилгача кенг кўламда реконструкция қилинади, ва бу ишларнинг харажати тахминан 700-800 миллион еврони ташкил этиши кутилмоқда.
Эслатиб ўтамиз, 2022 йилда "Mona Lisa"га шўрва улоқтириш ҳаракати бўлган, ва бу картина аввал ҳам бир неча маротаба ҳужумга учраган. 1956 йилда унинг устига сульфат кислота қўйилган ва кейинчалик расм махсус ҳимоя ойнаси билан қопланган.
