Ўзбекистонда президент сайловлари учун лого тақдим тақдим этилди. Мухбиримиз хабар беришича, у уч ой давомида тайёрланган.
"Сайлов кампаниясини бошлашда, аввало, унинг замонавий имиджини иёфасини яратиш борасида жиддий ишлар амалга оширилди. Президент сайлови логотипи - "рамзи"ни ишлаб чиқиш бўйича тадқиқотлар уч ой давомида олиб борилди", - деди Марказий сайлов комиссияси матбуот маркази раҳбари Санжарбек Рашидов.
Унинг сўзларига кўра, бу учун аҳолининг барча қатламлари: зиёлилар, ишчилар, фермерлар, шунингдек, ёш ва кекса авлод вакиллари, эркаклар ва аёллар - умуман, аҳолининг барча тоифаларини ўз ичига олган махсус фокус гуруҳи ташкил этилди.
Шунингдек, очиқ ва шаффоф сайловларни ўтказиш мақсадида Марказий сайлов комиссияси томонидан ахборот портали ва Saylov2021.uz мобиль иловаси ишлаб чиқилди, МСКнинг расмий веб-сайти модернизация қилинди.
Saylov2021.uz ахборот порталининг асосий вазифаси -президент сайловлари ҳақида зарур маълумотларни бир жойга тўплаб, аҳоли ва жамоатчиликка тақдим этишдан иборат. Портал сайлов кампанияси давомида доимий равишда ўзбек, қорақалпоқ, рус ва инглиз тилларида иш олиб боради. Сайлов натижалари эълон қилингандан кейингина ўз фаолиятини тўхтатади.
Сайловчиларга қулайлик яратиш мақсадида бугунги кунда сайлов участкаларининг интерактив харитаси ишлаб чиқилмоқда. Дастур вилоятлар кесимида сайлов участкаларининг жойлашуви ва уларнинг сони ҳақида онлайн тарзда маълумот олиш имкониятини беради.
