Вазнингизни ўзгартирмоқчисиз, лекин бу ўз-ўзидан содир бўлмайди. Жараённи кўп ҳаракат қилмасдан бошлаш бўйича бир нечта маслаҳатлар мавжуд. Оддий қилиб айтганда бир озгина эҳтиёт бўлишнинг ўзи етарли!
Зарарли овқатлардан қочинг
Масалан, буни якшанба куни режалаштиринг. Кераксиз харидлар, қариндошлар ва дўстларнинг меҳмоннавозлиги қўшимча калория ва шакарни ўз ичига олиши мумкин.
Порцияларни камайтиринг
Катта пирогни бир ўтиришда еб тугатиш шарт эмас. Уни қисмларга бўлиб, аста-секин тановул қилинг.
Ижтимоий тармоқлардан камроқ фойдаланинг
Бу маслаҳат биринчи навбатда, бошқа одамларнинг рецептлари ва озиқ-овқат фотосуратларини кўриш учун қўлланилади. Бундай постлар фақат борлиги билан сизда очлик ҳиссини кучайтиради!
Озиқ-овқатлар рўйхатини ўзгартиринг
Ҳа, сиз колбаса ўрнига брокколи сотиб олишга одатланмагансиз, лекин агар брокколи рўйхатда бўлса, уни уйингизга олиб келишингиз эҳтимоли катта бўлади.
Фастфудлардан воз кечинг
Ҳа, айтишга осон! Аслида, буни аста-секин қилган маъқул. Масалан, бу ой газланган ширин ичимликлар ичишни тўхтатасиз, кейинги ой картошка фри истеъмол қилишни. Шу тариқа босқичма-босқич камайтириб борасиз.
Музлаткичнинг бўшаб қолишига йўл қўйманг
Оёқларингиз сизни энг яқин овқатланиш жойига олиб боради. Музлаткичда етарли миқдорда фойдали озиқ-овқат бўлсин!
Телевизор қаршисида овқатланманг
Айнан шу вазиятда тасодифан хоҳлаганингиздан кўпроқ таомланасиз ва бу, албатта, гулкарам бўлмаслиги аниқ!
