Болливуд юлдузи Кажол “Ўғирланмаган келин”, “Ҳаётда ҳамма нарса бўлади” ва “Менинг исмим Хон” каби машҳур фильмлардаги роли билан томошабинлар қалбидан жой олди. Қуйида актриса ҳақидаги энг қизиқарли фактлар келтирилади.

Болливуддаги дебют

Кажол кинодаги дебютини 16 ёшида Раҳул Равайлнинг “Ҳақиқий севги” фильмида қилган ва у буни катта муваффақият деб билади. Ушбу фильм учун актриса ҳатто актёрлик фаолиятини давом эттириш учун мактабни тарк этишга мажбур бўлди.

Китоб ва шеъриятга қизиқиш

Кажол мактаб даврида бадиий адабиёт ўқишга қизиқиб қолган, унинг айтишича, бу унга оғир кунларни енгиб ўтишга ёрдам берган. Актриса бўш вақтларида шеър ва ҳикоялар ёзишни ҳам ёқтиради.

Рекордчи

Кажол Filmfare мукофотининг “Энг яхши актриса” номинациясида ғолибликни қўлга киритиш бўйича рекордчи ҳисобланади. У ушбу ютуғи билан холаси Натан билан беллаша олади (унинг ҳам 5 та мукофоти бор). Шунингдек, Кажол мукофотнинг ўн битта номинациясига номзоди қўйилган актриса ҳисобланади.

“Болливуд афсонаси”

Кажол 2006 йилда Буюк Британияда миниатюра қўғирчоғи чиқарилган Болливуднинг машҳур инсонларидан бири ҳисобланади. Бу “Болливуд афсоналари” деб номланган коллекция бўлиб, тўртта юлдуз — Шоҳрух Хон, Ритик Рошан, Кажол ва Приянка Чопрани ўзида жамлайди.

Ноёб қош

Актёрлик маҳоратидан ташқари, Кажол Болливуддаги гўзаллик ҳақидаги таърифни ўзгартирган 90 йилларнинг машҳур актрисаларидан бири эди. Актриса иштирокидаги фильмларни томоша қилган бўлсангиз унинг ўхшаши йўқ қошлари хаёлингизга келгандир. Актриса айнан шу сабаб продюсерларнинг босимига чидади, бироқ Кажол таслим бўлмади. У ўзининг визажисти Миккини жуда ҳурмат қилади. Кажолнинг айтишича, визажист барча ижодкорларни актрисанинг “жўшқинлиги”га ишонтирганлардан бири бўлган.

Америка фонд биржасини очган биринчи ҳинд юлдузи

“Менинг исмим Хон” фильмидаги улкан муваффақиятдан сўнг, Кажол ҳамкасби Шоҳрух Хон билан биргаликда NASDAQ’га очилиш қўнғироғини ўзи чалиши ва дунёдаги энг йирик бозорда савдо бошланганини эълон қилиш учун таклиф қилинди.

Ўзгача жуфтлик

Кажол актёр Ажай Девган билан турмуш қурган. Ҳинд киноси мухлислари жуфтликни жуда яхши кўради. Тўрт йиллик муносабатдан сўнг, айнан Кажол Ажайга турмуш қуришни таклиф қилди. Уларнинг олти ойдан кейин ажрашиб кетишига ишонган кўпчилик янглишди. Яқинда Ажай ва Кажол турмуш қурганига 22 йил бўлганини нишонлади ва бу уларнинг муносабатлари қанчалик мустаҳкам эканини исботлайди.  

Омадли 5 рақами

5 августда туғилган актриса беш рақамини ўзининг бахтли рақами деб ҳисоблайди. Кажол 1995 йилда бешта фильмда рол ўйнаган. Ушбу фильмлардан бири “Ўғирланмаган келин”муваффақиятли блокбастерга айланди ва 23 йилдан ортиқроқ вақт давомида театрларда намойиш этиб келинмоқда.