Қозоғистоннинг Туркистон вилоятида Сирдарё дарёсида чўмилаётган 11 киши сузиш учун белгиланмаган жойда чўмилаётиб чўкиб кетди.
Бу ҳақда «Казинформ» Фавқулодда вазиятлар вазирлиги матбуот хизматига асосланиб хабар берди.
Фавқулодда вазиятлар департаменти кучлари 6 нафар жасадни сувдан олиб чиқди (шахси ва ёши аниқланмоқда), беш кишини қидириш ишлари давом этмоқда.
Воқеа жойига 144 киши, 16 та техника, 6 та сузиш иншооти ва дронлар жалб этилган: Фавқулодда вазиятлар бошқармаси, ички ишлар органлари, маҳаллий ижроия органлари ходимлари ишламоқда.
Фавқулодда вазиятлар вазирлиги фуқароларни сув ҳавфсизлиги чораларига қатъий риоя қилишга чақирди.